रायपुर: मुख्यमंत्री श्री भूपेश बघेल हा करीस कृष्ण कुंज के लोकार्पण

मुख्यमंत्री हा कपूर के पौधा घलो लगईस श्रीमती सूर्यमुखी देवी राजगामी संपदा न्यास राजनांदगांव द्वारा प्रदत्त खेल सामग्री, खिलाड़ी मन ला बाटिस हे। वृक्षारोपण ला जन-जन से जोड़े अऊ सांस्कृतिक विरासत ला सहेजे के दिशा म सार्थक साबित होहीं।
मुख्यमंत्री श्री भूपेश बघेल हा आज राजनांदगांव विधानसभा क्षेत्र म भेंट मुलाकात कार्यक्रम के दौरान राजनांदगांव नगरीय निकाय म बने कृष्ण कुंज के लोकार्पण करीस अऊ कपूर के पौधा घलो लगईस। मुख्यमंत्री हा इंहा श्रीमती सूर्यमुखी देवी राजगामी संपदा न्यास राजनांदगांव द्वारा प्रदत्त खेल सामग्री, हॉकी स्टिक खिलाड़िय मन ला बाटिस हे। साथ म ओहा 5 महिला मन ला सिलाई मशीन घलो बाटिस हे। ऐ मौका म खिलाड़ी मन ले बात करके मुख्यमंत्री हा ओकर मन के हौसला घलो बढ़ाईस हे। मुख्यमंत्री हा खिलाड़ी मन ला आशीर्वाद देवत तन उऊ मन ले खेले बर कहीस। साथ म संस्कृति मंत्री श्री अमरजीत भगत घलो उपस्थित रिहीस।
राज्य शासन द्वारा सांस्कृतिक विरासत ला सहेजे बर कृष्ण कुंज विकसित करे के पहल करे गेहे। पर्यावरण ला सहेजे, पेड़ मन ला बचाए अऊ आये वाले पीढ़ी ला पर्यावरण अऊ पेड़ मन के महत्व के प्रति जागरूक करे के उद्देश्य लेे कृष्ण कुंज स्थापित करे जावत हे। कृष्ण कुंज नगरीय क्षेत्र मन में स्थापित करे जात हे, जिहां बरगद ,पीपल, कदम, आम, इमली, बेर ,जामुन ,गंगा बेर, शहतूत ,चिरौंजी, नीम, गूलर,पलाश ,अमरुद ,सीताफल, बेल जैसे बहुत अकन महत्व के पेड़ रोपण करने के काम के योजना हे।