रायपुर: स्टार गैजिंग म आकाशगंगा ले लेके खगोलीय घटनाओं के प्रत्यक्षदर्शी बनीस सेजेस के विद्यार्थी

भिलाई सेक्टर 6 के स्वामी आत्मानंद इंग्लिश मीडियम स्कूल म काली ले तीन दिवसीय एस्ट्रो शाला की शुरुआत होईस, जेन म सेजेस के विद्यार्थी मन हा 110 गुना जूमिंग कैपेसिटी वाले रिफ्लेक्टिव टेलीस्कोप ले चंद्रमा अउ जुपिटर ग्रह ला देखिस। स्टार गेजिंग म आकाशगंगा ले लेके खगोलीय घटनाओं के प्रत्यक्षदर्शी बनीस सेजेस के विद्यार्थी। सेजेस के लईका मन बर ये अनुभव कोनों सपना के पूरा होय जैसे रिहिस।
दुर्ग जिले म सेक्टर 6 म स्थित आत्मानंद इंग्लिश मीडियम स्कूल के पहिली स्कूल बन गेहे, जेन म एस्ट्रोनॉमी लैब ले लईका ये दुनिया ले परे दूसरा दुनिया ले परिचित हो पाही। ऐखर शुरुआत कल स्टार गैजिंग इवेंट ला लेके होईस। जेन म विद्यार्थी मन हा 50 हजार रुपए ले लेके 1 लाख रुपए तक के ट्यूबलरनुमा रिफ्लेक्टिंग टेलीस्कोप ले खगोलीय विज्ञान ला समझे के कोशिश करीस। लईका हा ये टेलीस्कोप ले काली कुन चंद्रमा अउ जुपिटर ग्रह ला अपन आंखी के ठीक सामने पाईस।
ये अवसर म छत्तीसगढ़ अमेचर एस्ट्रोनॉमी क्लब के कोऑर्डिनेटर श्री राजेश लोहिया हा स्कूली लईका मन ला अंतरिक्ष म होये वाला खगोलीय घटक अउ उंखर घटना मन के विषय म जानकारी उपलब्ध कराईस। उंहा लईका मन ला समझाईस कि ब्रह्मांड म ग्रह पृथ्वी म हम दोनों के दोनों ऑर्बिट म हवय, ऐखर कारण दोनों के पोजीशन म निरंतर बदलाव होते रथे। पृथ्वी अपने ही स्थान म घूर्णन घलो करत हे अउ सूर्य के परिक्रमा घलो करत हे। उंहा उपस्थित लईका मन ला पुराना समय के लोगन सुबह के समय सूर्य ला अउ रात के समय म ध्रव तारा ला कैसे प्रकार से दिशा सूचक के रूप में प्रयोग लावय ऐंखर जानकारी घलो दीन हे।
ये अवसर म प्रशिक्षु आईएएस, सहायक कलेक्टर श्री लक्ष्मण तिवारी, जिला शिक्षा अधिकारी श्री अभय जयसवाल, सेजेस की प्राचार्य श्रीमती दलजीत कोराड़ा, एस्ट्रो लाइफ डेवलपर सुश्री अनुष्ठा दास वैष्णव, एस्ट्रोलाइफ डिजाइनर श्री अतुल जिंदल व सेजेस के अन्य शिक्षक उपस्थित रिहिस हे।