रायपुर, खाद्य, नागरिक आपूर्ति अऊ उपभोक्ता संरक्षण मंत्री श्री अमरजीत भगत ह अपन निवास कार्यालय सरगुजा कुटीर म मीडिया प्रतिनिधि मन ले चर्चा करत कहिन कि राज्य म बिना कोनो व्यवधान के जम्मो राशनकार्ड धारी मन ल उंखर पात्रता के मुताबिक उचित मूल्य दुकान ले राशन के वितरण करे जात हे। राशन वितरण के व्यवस्था म सतत निगरानी रखे जात हे। सबो राशन दुकान मन के स्टाक मिलान करके एखर जानकारी जल्दी उपलब्ध कराए खातिर घलोक जिला स्तरीय अधिकारी मन ल देहे के निर्देश देहे गए हे।
खाद्य मंत्री श्री भगत ह बताइस महिना नवम्बर म घलोक राशन कार्ड धारी मन ल निर्बाध रूप ले राशन वितरण जारी हे। पीएम गरीब कल्याण अन्न योजना के तहत घलोक महिना अकटूबर अऊ नवम्बर के चावल हितग्राही मन ल वितरित करे जात हे। उमन बताइन कि तभो ले ऊंखर संज्ञान म महिना नवम्बर म राशन वितरण संबंधी कुछ शिकायत मिले रहिस, जेखर निराकरण कर ले गए हे।
राशनकार्ड धारी मन ल पीडीएस दुकान ले मिलत हे राशन: मंत्री श्री अमरजीत भगत
