महासमुंद, कलेक्टर सुनील कुमार जैन ह इहां जिला कार्यालय के सभाकक्ष म समय-सीमा के बैठक लेके जिला के कई ठन विभाग ले संबंधित लंबित समय-सीमा के प्रकरण मन के गहन समीक्षा करिन।
बैठक म कलेक्टर जैन ह राज्य शासन के प्राथमिकता वाले योजना नरवा, गरूवा, घुरूवा अऊ बाड़ी के समीक्षा तको करिन। उमन अधिकारी मन ल कहिन कि ये योजना के तहत आगू के कड़ी बर जिला के राष्ट्रीय राजमार्ग के पार वाले गांव मन के चिन्हारी करके गौठान बनाए बर गांव वाले मन के संग बइठक प्रस्ताव तियार करके सूची प्रस्तुत करव।
समय-सीमा के बैठक म उमन कहिन कि अवइया 6 सितंबर 2019 के दिन जिला पंचायत के सभाकक्ष म राष्ट्रीय बाल संरक्षण आयोग के बैंच कोति ले बाल अधिकार के उल्लंघन ले संबंधित शिकायत मन के निवारण करे जाही। बैंच कोति ले 6 सितंबर के दिन सुनवाई करे जाही अऊ उही दिन बिहनहे 9 बजे ले शिकायत मन के पंजीयन घलोक चालू करे जाही। बैंच कोति ले बिहनिया 10 बजे ले सुनवाई चालू हो जाही। ये संबध म उमन शिक्षा विभाग के अधिकारी मन, महिला अऊ बाल विकास विभाग संग जनपद पंचायत, आदिवासी आयुक्त ले घलोक आवेदन सकेले के निर्देश दिए हें। एखर बर संबंधित विभाग मन के अधिकारी मन ल जवाबदारी लेहे बर कहे गए हे।
ये बेरा म वनमंडलाधिकारी मयंक पाण्डेय, अपर कलेक्टर शरीफ मोहम्मद खान, आलोक पाण्डेय, संयुक्त कलेक्टर शिवकुमार तिवारी, इंदिरा देवहारी संग सबो अनुविभागीय अधिकारीगण संग जिला स्तरीय अधिकारीगण उपस्थित रहिन।