रीपा ह दिस उद्यमी बने के मौका, महिला मन ह तईयार करत हे बोरा

रीपा म 11 हजार बोरा के प्रोडक्शन, 6 हजार बोरा बेचिस, 94 हजार तक कमई
हाथ मन म काम अउ कमई के जरिया मिलिस त जागिस आत्मविश्वास
गौठान म वर्मी खाद के पैकेजिंग ब बैग के सप्लाई के संग ही समूह के कमई घलो शुरू

छत्तीसगढ़ म सरगुजा जिला के विकासखंड लखनपुर के महात्मा गांधी ग्रामीण औद्योगिक पार्क कुंवरपुर म प्रगति स्वसहायता समूह के महिला वर्मी खाद के पैकेजिंग ब बोरा निर्माण के उद्यम चलात हे। ए समूह द्वारा वर्तमान म बोरा निर्माण के कार्य प्रति दिन करे जाथ हे। बोरा निर्माण के शुरुआत के एक माह म ही समूह द्वारा करीब 11 हजार बोरा के निर्माण करे जा चुके हे, जेमा से 6 हज़ार बोरा के सप्लाई करत हुए लखनपुर विकासखंड के 57 गौठान म वर्मी खाद पैकेजिंग ब बोरा बेचे गए हे। अभी तक महिला उद्यमि द्वारा 94 हज़ार रुपिया तक के आय एक महीना म ही प्राप्त हो चुके हे। ईहां ले सरलग बोरा के सप्लाई जारी हे।

मुख्यमंत्री श्री भूपेश बघेल के नेतृत्व म राज्य शासन द्वारा महात्मा गांधी रूरल इंडस्ट्रियल पार्क के स्थापना के मंशा ईही हे कि स्थानीय स्तर म ही उत्पाद ल तियार करना, ओकर मार्केटिंग ब जगह बनाना, उत्पाद के आपूर्ति सुनिश्चित करना जेकर से स्थानीय लोग मन ल काम बुता रोजगार मिले, ओमन आर्थिक रूप ले मजबूत बने अउ इ क्रम म ग्रामीण अर्थव्यवस्था मजबूत हो।
ग्राम कुंवरपुर म स्थित रीपा ले जुड़ के प्रगति महिला समूह ह एक कदम आघू बढा के बोरा निर्माण कमके उद्यम शुरू करे के मंशा जाहिर करिस। ए समूह म कुल 12 सदस्य हे। समूह के अध्यक्ष श्रीमती अनीता अउ सचिव इंद्रा बाई हे। आए वाले समय म जिला के जम्मो 354 ग्रामीण क्षेत्र के गौठान म बनाए जाए वाले वर्मी खाद के पैकेजिंग इ रीपा ले तियार बोरा म करे जाही । एकर से गांव म ही बोरा निर्माण के उद्यम स्थापित होही अउ महिला उद्यमि मन ब आय के नवा रस्ता खुलही।