राज्यपाल ले प्रधान मुख्य वन संरक्षक श्री चतुर्वेदी ह करिस सौजन्य भेंट
रायपुर, राज्यपाल सुश्री अनुसुईया उइके ले आज इहां राजभवन म प्रधान मुख्य वन संरक्षक छत्तीसगढ़ श्री राकेश चतुर्वेदी ह सौजन्य मुलाकात करिन। श्री चतुर्वेदी ह राज्यपाल ल शुभकामना दीन।
राज्यपाल सुश्री उइके ह प्रधान मुख्य वन संरक्षक ले कहिन कि वन अधिकार अधिनियम के तहत् देहे जात वन अधिकार पट्टा मन के वितरण के समय संवेदनशीलता बरतव अऊ पहिली के अस्वीकृत आवेदन मन के फेर परीक्षण कराके पात्र मनखे मन ल पट्टा देवव। राज्यपाल ह कहिन कि समिति मन के माध्यम ले छोटे वनोपज के प्रसंस्करण के काम ल बढ़ावा देवव। एखर से आदिवासी मन ल स्वरोजगार घलोक मिलही अऊ वनोपज मन के सदुपयोग होही।
श्री चतुर्वेदी ह बताइन कि नवा रायपुर अटल नगर म स्थित जंगल सफारी एशिया म मानव निर्मित सबले बड़े जंगल सफारी म ले एक हे। सफारी के आन चरण मन के घलोक विस्तार करे जात हे, जेमां बॉटिनीकल गार्डन सामिल हे। संगेच ये सीजन म प्रदेश के चार प्रमुख नदी मन के करार म वृक्षारोपण करे जात हे अऊ अवइया बछर म घलोक आन नदी मन के करार अउ दाबा म वृक्षारोपण करे जाही। श्री चतुर्वेदी ह वन विभाग म संजीवनी के तहत होत काम मन के जानकारी दीन।