विशेष पिछड़ी जनजाति के कमार महिला मन गढ़त हें विकास के गाथा

रायपुर, 9 जुलाई 2024। कमार जनजाति मुख्य रूप ले गरियाबंद जिला के छुरा, अऊ धमतरी जिला के नगरी अऊ मगरलोड विकासखण्ड म पाए जाथे। भारत सरकार ह ए मन ल विशेष पिछड़ी जनजाति के दर्जा देहे हे। मुख्यमंत्री श्री विष्णु देव साय के सरकार म विशेष पिछड़ी जनजाति परिवार के आर्थिक, समाजिक, शैक्षणिक उत्थान बर विशेष काम करे जात हे। छत्तीसगढ़ शासन ह कमार परिवार ल स्वरोजगार ले जोड़े बर विशेष प्रयास करत हे। विशेष पिछड़ी कमार जनजाति के महिला मन के आजीविका के मुख्य साधन बांस के कारीगरी अऊ पारंपरिक खेती करना हे। महासमुन्द जिला के पिथौरा ब्लॉक ले 15 किलोमीटर के दूरी म स्थित, गाँव सोनासिल्ली अब समृद्धि कोति अग्रसर होवत हे।

बिहान योजना के तहत, ग्राम सोनासिल्ली म तकेश्वरी कमार अऊ सचिव गीता कमार के नेतृत्व म महिला विकास अऊ सशक्तिकरण के एक नवा अध्याय शुरू होय हे। कमार महिला मन ह स्व सहायता समूह के गठन करे हें। ए समूह ह 15,000 रुपिया के अनुदान के संग आत्मनिर्भरता के नवा शुरूआत करे हे। अपन कौशल अऊ संसाधन मन के उपयोग करत, उमन बांस के कारीगरी म हाथ आजमाए हें अऊ आज बांस ले सुन्दर सजावटी सामान बनाके दुकान मन म घलोक विक्रय करत हे।