विश्व रक्तदान दिवस: रक्तदान करा-जीवन बचावा: श्री भूपेश बघेल

रायपुर, मुख्यमंत्री श्री भूपेश बघेल ह विश्व रक्त दान दिवस के अवसर म लोगन मन ले रक्त दान कर मनखे मन के जीवन बचाए के अपील करे हे। श्री बघेल ह कहिस हे कि हर बछर 14 जून के विश्व स्वास्थ्य संगठन समेत जम्मो दुनिया भर म रक्तदान ल बढ़ावा देहे अउ रक्तदान के प्रति जागरूकता बढ़ाए के उद्देश्य ले विश्व रक्त दान दिवस मनाय जाथे।
    श्री बघेल ह कहिस कि आपात स्थिति, बीमारी, दुर्घटना समेत प्रसव मामला म जीवन रक्षा ह रक्त के जरूरत होथे अउ कई घ आकस्मिक परिस्थिति म लोग मन ल असानी ले रक्त ह नई मिल पावय। श्री बघेल ह कहिस कि रक्तदान महादान के महत्व ल जन-जन समझें। रक्त देहे म कोनो तरिका के नकसान नई होवय। रक्त देहे ह जीवन रक्षा अउ पुण्य के काम होथे। विश्व स्वास्थ्य संगठन ह इस बछर दुनियाभर के लोग मन ल एकजुटता के संग रक्त दान करे अउ जीवन बचाए ब कहे हे।