मुख्यमंत्री के अध्यक्षता म छत्तीसगढ़ अन्य पिछड़ा वर्ग सलाहकार परिषद के प्रथम बैठक
सदस्य मन करा मांगिस सुझाव
अन्य पिछड़ा वर्ग के विद्यार्थी मन ब पहिली बार खोले जाथ हे 15 नवा पोस्ट मेट्रिक छात्रावास
सदस्य मन ह ओबीसी विद्यार्थी मन ब छात्रावास के संख्या बढ़ाए के करिस आग्रह
रायपुर, 28 जून 2023
मुख्यमंत्री श्री भूपेश बघेल के अध्यक्षता म छत्तीसगढ़ अन्य पिछड़ा वर्ग सलाहकार परिषद के पहिली बईठक आज मुख्यमंत्री निवास कार्यालय म आयोजित करे गईस। मुख्यमंत्री ह सलाहकार परिषद् के बइठक ल सम्बोधित करत हुए कहिस कि अन्य पिछड़ा वर्ग के हित के सुरक्षा, कल्याण अउ सर्वांगीण विकास ब राज्य शासन ल परामर्श देहे ब सलाहकार परिषद के गठन करे गय हे। ओ ह कहिस कि अन्य पिछड़ा वर्ग म शामिल जम्मो वर्ग ल शासन द्वारा संचालित योजना के जादा से जादा लाभ उठाना चाहिए। खास कर के समाज के शैक्षणिक, सामाजिक, आर्थिक विकास, व्यवसाय, रोजगार म धियान देहे ह चाहिए।
गौठान अउ रीपा म नवा गतिविधि सुरू करे ब लोगन मन ल करव प्रोत्साहित
मुख्यमंत्री श्री बघेल ह कहिस कि गौठान अउ रूरल इंडस्ट्रियल पार्क म लोगन मन ल रोजगार देहे ब आयमूलक गतिविधि संचालित करे जाथ हे। इहां अउ नवा गतिविधि घलो संचालित करे जा सकत हे, एकर सुझाव घलो देवव। ओ ह कहिस कि जेन इलाका म साग-सालन के बने उत्पादन होथे उहां साग के व्यापार ले जुडे़ गतिविधि जईसे ड्रायर लगाए अउ पैकिंजिंग म धियान दिए जाए।
मुख्यमंत्री ह पहिली बईठक म उपस्थित जम्मो सदस्य के स्वागत करत हुए कहिस कि परिषद् म अन्य पिछड़ा वर्ग के जादा से जादा उप जाति अउ क्षेत्र के प्रतिनिधित्व देहे के प्रयास करे गय हे। उमन ह सामूहिक विवाह ल प्रोत्साहित करे ब हरदिया साहू समाज कती ले करे गए प्रयास अउ सोनकर समाज कती ले शिक्षा के क्षेत्र म करे गए प्रयास के सराहना करत हुए कहिस कि ए दूनों क्षेत्र म समाज ह अपन विशिष्ट पहचान बनाईस हे।
सलाहकार परिषद के बईठक म जम्मो सदस्य कती ले अन्य पिछड़ा वर्ग के हित ब परिषद के गठन कर एमा जम्मो वर्ग ल प्रतिनिधित्व देहे ब धन्यवाद दिए। बईठक म जानकारी दीए गईस कि मुख्यमंत्री श्री बघेल के बिसेस पहल म वर्ष 2023-24 म अन्य पिछड़ा वर्ग के विद्यार्थि मन ब 15 नवीन पोस्ट मेट्रिक छात्रावास के स्वीकृति दीए गईस हे। एमा 8 बालक अउ 7 कन्या छात्रावास शामिल हे। बईठक म सदस्य मन ह लईका मन के शिक्षा ब छात्रावास के संख्या बढ़ाए के सुझाव दिस। सदस्य मन ह ए सुझाव घलो दिस कि प्रदेश म अन्य पिछड़ा वर्ग के लईका मन ब छात्रावास म पीईटी, पीएमटी, पीएससी अउ प्रतियोगी परीक्षा के कोचिंग के व्यवस्था करे जाए।
Neha Rathore