सुकमा: नियद नेल्ला नार योजना चिन्हांकित गांव मन म शत प्रतिशत पिलाई गीस पोलियो के खुराक

सुकमा, 07 मार्च 2024। जिला म 03, 04 अऊ 05 मार्च 2024 के राष्ट्रीय पल्स पोलियो टीकाकरण अभियान के आयोजन करे गीस। अभियान के तहत जिला के 0 ले 5 साल तक के लगभग 36,083 लइका मन ल पोलियो के खुराक पिलाए गीस। जिला म कलेक्टर श्री हरिस. एस के निर्देशन अउ कुशल मार्गदर्शन म जिला के माओवाद प्रभावित अंदरूनी वंनाचल ग्राम मन म व्यापक रूप ले प्लस पोलियो अभियान चलाए गीस। मुख्य चिकित्सा अउ स्वास्थ्य अधिकारी डॉ. महेश सांडिया ह बताइस कि भारत ल पहिलीच पोलियो मुक्‍त देश घोषित करे जा चुके हे तेकर बाद घलव लइका मन म पोलियो वायरस के खिलाफ प्रतिरक्षा बनाए रखे अउ भारत म पोलियोमुक्त स्थिति ल बनाए रखे बर 03 ले 05 मार्च 2024 तक सघन पल्स पोलियो अभियान के आयोजन करे गीस।
जिला म नियद नेल्ला नार योजना म चिन्हांकित ग्राम मन म शत् प्रतिशत पोलियो अभियान होइस। मुख्य चिकित्सा अउ स्वास्थ्य अधिकारी ह बताइस कि वनांचल अउ पहुंचविहीन क्षेत्र म पोलियो खुराक टीम ह पिलाइस। जेमां पोटकपल्ली के अदरूनी क्षेत्र छोटे केड़वाल, बड़े केड़वाल, साकलेर, सालातोग, टेटे मरका म कुल 434 लइका मन ल पिलाए गीस। अइसनहे टेकलगुड़ा के 40 लइका, पूवर्ती म 146 लइका, कोडासावली के 132 लइका, समससेट्टी के 140 लइका, दुलेड़ के 56 अउ परिया 242 लइका मन ल पोलियो के खुराक पिलाए गीस। एमा बगड़ेगुड़ा, एलमागुण्डा, गोंदपल्ली, गुंडराजपाड़, सिलगेर, बेदरे , मंडीमरका, निलावाया, गुटागुड़ा, उपनपल्ली, चिकपल्ली, बोरगुड़ा, तिमापुरम, चिमलीपेन्टा सामिल हे।