सूरजपुर, काल सयुंक्त जिला कार्यालय के सभाकक्ष म सूरजपुर ल एक नवा दिशा प्रदान करे ‘‘पहल प्रेरणा के‘‘ के तहत् कलेक्टर श्री दीपक सोनी के संग जिला के कई जगा मन के प्रशासनिक सेवा ले सेवानिवृत्त वरिष्ठजन मन अउ स्वैच्छिक सेवक मन के दूसरइया बैठक बलाए गइस। बैठक म कई ठन विभाग मन ले सेवानिवृत्त हो गे वरिष्ठजन अउ समाज कल्याण बर काम करत सेवक उपस्थित रहिन।
जिंकर निर्देश म जिला के कई ठन क्षेत्र मन म अलग-अलग कार्य ल संपादित करे जाही। इही क्रम म बैठक आयोजित करके आगामी तीन महिना म करे जाय वाले कार्य मन के कार्ययोजना बनाये गइस, जेमां कलेक्टर ह बताइस के तीन महिना के कार्ययोजना म स्वैच्छिक सैनिक मनं के सहयोग ले सूरजपुर के नगरीय क्षेत्र अउ नरवा, गरूवा, घुरवा अउ बाड़ी अंतर्गत स्थापित 11 आदर्श गौठान मन ल पॉलिथिन मुक्त बनाये जाही, संगे च सूरजपुर ल प्राकृतिक रूप ले सुंदर बनाए अउ पर्यावरण के सुरक्षा बर वृक्षारोपण करे के जरूरत होही जेमां स्वैच्छिक सैनिक मनं के सहयोग ले सूरजपुर के नगरीय क्षेत्र, सड़क के पाई म अउ कई ठन जगा मन म वृक्षारोपण करके सूरजपुर ल हरियाली प्रदान करे के काम करे जाही।
कलेक्टर ह बताइस के पण्डो समाज के उत्थान बर जिला प्रशासन के मार्गदर्शन म पण्डो समाज के श्री उदय पण्डो के संग पण्डो समाज के समस्या मन के 21 बिन्दु म सर्वे करे गए हे, जऊन म काम करके पण्डो समाज के पूरा उत्थान करे जाना हे, एखर बर दिन इतवार 2 जून 2019 ल सुराजी स्वैच्छिक सैनिक पण्डोनगर जा के 21 बिन्दु म प्राप्त रिपोट के मुताबिक कऊन प्रकार कार्य मन ल करे जाके पण्डो समाज ल सही दिशा प्रदान करे जा सकत हे, ए म मार्गदर्शन करहीं।
आप मन जानतेच होहू के कलेक्टर के पहल ले जिला के कई ठन जगा मन के प्रशासनिक सेवा ले सेवानिवृत्त वरिष्ठजन मन अउ स्वैच्छिक सेवक मन, कई ठन विभाग मन ले सेवानिवृत्त हो गे वरिष्ठजन अउ समाज कल्याण बर काम करत सेवक मन के संगठन बनाके जिला म कार्य मन के सुदृढ़ता बर सहयोग लेहे जात हे। कलेक्टर ह एला सुराजी स्वैच्छिक सैनिक के नाम देहे हे। सुराजी स्वैच्छिक सैनिक मन कोति ले जिला म शासकीय योजना मन के क्रियान्वयन ग्रामीण क्षेत्र म, स्वास्थ्य अउ शिक्षा के क्षेत्र म जागरण, प्रशासन कोति ले चलाये जात जनहित कार्य मन ल आम जनता के बीच समन्वय बनाके ओ मन ल पूरा करना, ग्रामीण क्षेत्र म सिंचाई सुविधा मन के विस्तार, खेती किसानी म अवइया असुविधा अउ जैविक खाद के उपयोग बर प्रोत्साहीत करके, विभाग ले समन्वय स्थापित करके सुविधा प्रदान करे म सहयोग आदि के काम करे जाही। ग्रामीण क्षेत्र के लइका मन अउ वरिष्ठ मनखे मन ल स्वास्थ्य के प्रति जागरूक के ओ मन ल खुदे स्वालम्बि बनाए अउ जागृत करे के काम करे जाना हे। नवयुवक मन के संग मिलके ग्रामीण क्षेत्र के छात्र-छात्रा मन अउ उत्सुक जनता ल मोबाईल, कम्प्युटर के विसय म तकनीकी जानकारी देना ताकि वो अपन ग्रामीण क्षेत्र म जागरूकता ला सकयं जेखर से नवा युग के संग चले म परेशानी नइ होही। युवा सही दिशा प्राप्त करके कई ठन जगा मन म उपलब्धि ल पा सकहीं, समाज के समस्या मन के सही निराकरण ए मंच के माध्यम ले करे के प्रयास करे जाही, हमर लक्ष्य जिला के आखरी मनखे ल लाभ पहुंचाना हे, एखर बर हर संभव प्रयास करे जात हे। जिला म शिक्षा, चिकित्सा, श्रम, कृषि, महिला सशक्तिकरण, खेल, निर्माण काम म हर प्रकार ले गुणवत्ता लाए जा सकय, ए बर दिशा प्रदान करे के काम मंच के माध्यम ले करे जाही। ए दौरान श्री सुधीर मिश्रा विकास सहायक (डी.एम.एफ.) उपस्थित रहिन।