स्कूल विद्यार्थी सीखहीं सड़क सुरक्षा के गुर

सड़क सुरक्षा उपर आधारित काम, गतिविधि मन के निरीक्षण बर जिला शिक्षा अधिकारी मन ल निर्देश

रायपुर, पढ़ईया लईका मन म सड़क सुरक्षा संबंधी जागरूकता बहुत लाभदायक हे। पढ़ईया लईका मन म ट्रेफिक संबंधी संस्कार निर्माण होए ले यातायात व्यवहार म स्थायी सुधार के दूरगामी लाभ होही। ये महत्वपूर्ण काम के सफलता बर आयुक्त लोक शिक्षण डॉ. कमलप्रीत सिंह ह सबो जिला शिक्षा अधिकारी मन ल सड़क सुरक्षा उपर आधारित काम, गतिविधि मन के रूचि लेके निरीक्षण करे के निर्देश देहे हे। जानबा हे कि मुख्य सचिव ह ये संबंध म स्कूल शिक्षा विभाग ल निर्देशित करे रहिन। एखर परिपालन म निर्देश जारी करे हे।
जिला शिक्षा अधिकारी मन ल निर्देशित करे गए हे कि नाबालिक पढ़ईया लईका मन के मौका वाहन चालन म रोक बर प्रचार-प्रसार (फ्लेक्स, बेनर, पोस्टर, दीवार लेखन) के निरीक्षण करके विवरण भेंजव। पढ़ईया लईका मन के परिहवन बर वाहन संचालन करइया विद्यालय मन के संचालन व्यवस्था के रोड मैप के रेंडम निरीक्षण करव अऊ ओखर प्रतिवेदन भेजव। अइसनहे हर एक हाई स्कूल अऊ हायर सेकेण्डरी स्कूल बर प्रदान करे गए ‘सड़क सुरक्षा मार्गदर्शिका’ के वितरण के स्थिति भेजव अऊ वोमे निरधारित गतिविधि करावव।