सुरजपुर, कलेक्टर श्री एस. जयवर्धन के निर्देशन अउ मुख्य कार्यपालन अधिकारी ज़िला पंचायत के मार्गदर्शन म ज़िला के कई ठन ग्राम पंचायत मन म स्वच्छता ल प्राथमिकता देवत डोर-टू-डोर, स्कूल, आंगनबाड़ी, पर्यटन अउ धार्मिक स्थल, दुकान अउ होटल मन ले सरलग सूखा कचरा सकेले जात हे। ए काम म ग्राम पंचायत ले जुड़े स्वेच्छाग्रही दीदी मन अहम भूमिका निभावत हें।
भैयाथान के ग्राम पंचायत सलका अउ चंद्रामेढ़, जनपद सुरजपुर के ग्राम पंचायत तेलाई कछार स्थित पर्यटन स्थल केनापारा, जनपद प्रतापपुर के प्रस्तावित मॉडल ग्राम पंचायत शिवपुर म ‘गंगा स्व-सहायता समूह’ के दीदी मन अऊ जनपद रामानुजनगर के प्रस्तावित मॉडल ग्राम पंचायत पोंडी म स्वेच्छाग्रही दीदी मन सरलग कचरा सकेले के काम करत हें।
ए उदीम ले गांव मन के संगे-संग पर्यटन अऊ धार्मिक स्थल मन ल स्वच्छ बनाए रखे, पर्यावरण ल प्लास्टिक मुक्त करे अउ गांव वाले मन ल स्वच्छता के प्रति जागरूक करे के काम होवत हे।
ये पहल ‘स्वच्छ भारत मिशन’ के लक्ष्य ल धरातल म उतारे के दिशा म एक सराहनीय कदम हे, जेखर से ग्रामीण क्षेत्र मन म स्वच्छता के नवा मिसाल कायम होवत हे।
स्वच्छता कोति बढ़त कदम: ज़िला के ग्राम पंचायत मन म सरलग सकेले जात हे कचरा
