- मुख्यमंत्री ह 31.88 करोड़ के जल आवर्धन योजना के करिन शिलान्यास
- मुंगेली म उद्यान बर 50 लाख रूपिया, अनुसूचित जाति छात्रावास मरम्मत बर 25 लाख रूपिया के मंजूरी
- खुड़िया म राजीव गांधी प्रतिमा तीर उद्यान स्वीकृति के घोषणा
- जिला वासी मन ल मिलीस 62.91 करोड़ रूपिया के लागत के निर्माण कार्य के सौगात
रायपुर, मुख्यमंत्री श्री भूपेश बघेल ह कहिन कि छत्तीसगढ़ ल स्वस्थ अऊ समृद्ध राज्य बनाबोन। ग्रामीण अर्थव्यवस्था ल मजबूत बनाए बर नरवा, गरूवा, घुरूवा अऊ बाड़ी योजना चालू करे गए हे। मुख्यमंत्री ह आज जिला मुख्यालय मुंगेली के कृषि उपज मण्डी प्रांगण म आयोजित कार्यक्रम म 62 करोड़ 91 लाख रूपिया के लागत ले 14 निर्माण अऊ विकास कार्य के सौगातें दीन। एमां 31 करोड़ 88 लाख रूपिया के लागत ले बनइया जल आवर्धन योजना संग 95 लाख रूपिया के लागत ले बनइया 3 कार्य के घलोक शिलान्यास करिन। श्री बघेल ह 30.06 करोड़ रूपिया के लागत ले नवनिर्मित 10 निर्माण कार्य मन के लोकार्पण करिन।