मानव संसाधन बढ़ाए भर्ती प्रक्रिया जलदी सुर करे के दिस निर्देश
मरीज मन ल निर्बाध सेवा उपलब्ध कराए ब राज्य अउ स्वशासी बजट के पूर्ण उपयोग करे ब कहिस कहा
रायपुर, स्वास्थ्य व परिवार कल्याण अउ चिकित्सा शिक्षा मंत्री श्री टी.एस. सिंहदेव ह आज सब विभागाध्यक्ष अउ वरिष्ठ अधिकारी के बैठक लेके विभागीय कामकाज के समीक्षा करिस। ओ ह बैठक म स्वास्थ्य विभाग अउ चिकित्सा शिक्षा विभाग म मानव संसाधन बढ़ाए भर्ती के प्रक्रिया जलदी सुरू करे के निर्देश दिस। ओ ह अस्पताल म मरीज निर्बाध सेवा उपलब्ध कराए ब राज्य अउ स्वशासी बजट के पूर्ण उपयोग करे ब कहिस। स्वास्थ्य अउ चिकित्सा शिक्षा विभाग के अपर मुख्य सचिव श्रीमती रेणु जी. पिल्लै, स्वास्थ्य विभाग के सचिव श्री प्रसन्ना आर. अउ चिकित्सा शिक्षा विभाग के सचिव श्री पी. दयानंद घलो बैठक म शामिल होइस।
स्वास्थ्य मंत्री श्री सिंहदेव ह मंत्रालय म आयोजित बैठक म स्वास्थ्य विभाग, परिवार कल्याण विभाग, चिकित्सा शिक्षा विभाग, आयुष विभाग, राष्ट्रीय स्वास्थ्य मिशन अउ छत्तीसगढ़ मेडिकल सर्विसेज कार्पोरेशन (CGMSC) के काम के समीक्षा करिस अउ आवश्यक निर्देश दिस। ओ ह कांकेर, महासमुंद अउ कोरबा म मेडिकल कॉलेज अउ संबद्ध अस्पताल ब बने वाले भवन के ले-आउट अउ डिजाइन संबंधी प्रस्तुतिकरण घलो देखिस। ओ ह तीनो मेडिकल कॉलेज के भवन ल सर्वसुविधायुक्त बनाए अउ भविष्य के जरूरत के अनुरूप सुसज्जित करे के निर्देश दिस।
श्री सिंहदेव ह प्रदेश के सब जिला अस्पताल म उपलब्ध विशेषज्ञ सेवा, आईसीयू सेवा, गर्भावस्था देखभाल, डायलिसिस यूनिट, ट्रॉमा सर्विसेज, फिजियोथेरेपी सेवा, बर्न केयर सर्विसेज, हमर लैब, मातृत्व स्वास्थ्य, शिशु स्वास्थ्य, मेडिकल कॉलेज म डायग्नोस्टिक सेवा, आयुर्वेद, होम्योपैथी, यूनानी सेवा अउ सीजीएमएससी कती ले दवाई अउ उपकरण के खरीदी के समीक्षा करिस। ओ ह विभाग मिले बजट के आधार म चालू वित्तीय वर्ष के कार्ययोजना के घलो समीक्षा करिस। स्वास्थ्य विभाग के आयुक्त डॉ. सी.आर. प्रसन्ना, चिकित्सा शिक्षा विभाग के आयुक्त श्री मोहम्मद कैसर अब्दुलहक, संचालक डॉ. विष्णु दत्त, स्वास्थ्य सेवा के संचालक श्री भीम सिंह, राष्ट्रीय स्वास्थ्य मिशन के संचालक श्री भोसकर विलास संदिपान, आयुष विभाग के संचालक सुश्री नम्रता गांधी, सीजीएमएससी के प्रबंध संचालक श्री चंद्रकांत वर्मा अउ एसएचआरसी (SHRC) के संचालक श्री समीर गर्ग घलो समीक्षा बैठक म मौजूद रहिस हे।