रायपुर, छत्तीसगढ़ म राज्य सरकार के स्वास्थ्य अउ परिवार कल्याण विभाग कोति ले बहुत अकन जनकल्याणकारी योजना अऊ कार्यक्रम संचालित करे जात हे। स्वास्थ्य विभाग के कोति ले सरलग आम जनता मन ल बेहतर स्वास्थ्य के लाभ देहे के अभिनव पहल होवत हे। इही कड़ी म 2 मार्च के स्वास्थ्य विभाग ह रायपुर जिला के छै शासकीय स्वास्थ्य केन्द्र मन म ‘सियान जतन क्लीनिक’ के आयोजन करिस। एमां तीन सामुदायिक स्वास्थ्य केन्द्र अऊ तीन प्राथमिक स्वास्थ्य केन्द्र म आयोजित सियान जतन क्लीनिक म 60 साल ले जादा उम्मर के 911 वृद्धजन ह पहुंचके निःशुल्क स्वास्थ्य परीक्षण कराइन। शिविर म जिहां कई ठन रोग ले संबंधित स्वास्थ्य जांच करे गीस, उहें जरूरत के मुताबिक दवइ अउ उपकरण घलोक प्रदान करे गीस।
स्वास्थ्य विभाग ह रायपुर म लगाइस सियान जतन क्लीनिक
