मुख्यमंत्री ह प्रतिभा सम्मान समारोह म बोर्ड परीक्षा के प्रावीण्य सूची म स्थान बनाए वाले छात्र-छात्रा मन ल करिस सम्मानित
सभी मेधावी छात्र-छात्रा मन के खाता म डेढ़-डेढ़ लाख रूपिया के प्रोत्साहन राशि हस्तांतरित
मुख्यमंत्री के मेधावी छात्र-छात्रा मन के हेलीकॉप्टर ले जॉय राइडिंग कराए के फैसला देश ब अनुकरणीय पहल : स्कूल शिक्षा मंत्री
रायपुर, मुख्यमंत्री श्री भूपेश बघेल ह कहिस हे कि हमार प्रयास गांव-शहर के संग म वनांचल के विद्यार्थि मन ल शिक्षा के समान अवसर उपलब्ध कराए के हे। ए बछर बोर्ड परीक्षा म दूरस्थ अंचल के लईका मन ह बने सफलता पाए हे।
मुख्यमंत्री श्री बघेल आज स्वामी आत्मानंद मेधावी छात्र प्रोत्साहन योजना अंतर्गत छत्तीसगढ़ माध्यमिक शिक्षा मंडल के वर्ष 2023 के वार्षिक परीक्षा म कक्षा 10वीं अउ 12वीं प्रावीण्य सूची म स्थान पाये वाले छात्र-छात्रा मन ल सम्मानित करिस। समारोह म जम्मो मेधावी छात्र-छात्रा मन ल डेढ़-डेढ़ लाख रूपिया के प्रोत्साहन राशि दिए गईस। मुख्यमंत्री श्री भूपेश बघेल ह समारोह म प्रोत्साहन राशि ल मेधावी छात्र-छात्रा मन के बैंक खाता आरटीजीएस के माध्यम ले ट्रांसफर करिस। प्रतिभा सम्मान समारोह के आयोजन मुख्यमंत्री निवास म करे गइस।
मुख्यमंत्री श्री भूपेश बघेल ह मेधावी छात्र-छात्रा मन शुभकामना दीस। ओ ह लईका मन करा सीधा संवाद करत हुए पूछिस कि हेलीकॉप्टर म बइठे ले कोनो ल डर थोडी लगिस, जम्मो लईका मन ल सामूहिक रूप ले कहिस एक्को दाना डर नई लगिस ।