कोंडानार ब्रांड के नाम ले आदिवासी महिला मन करत हे कृषि खाद्य उत्पाद के निर्माण अऊ विपणन
नइ दिल्ली, छत्तीसगढ़ के कोंडागांव जिला के आदिवासी महिला मन ल भारत सरकार के सूक्ष्म, लघु अऊ मध्यम उद्यम मंत्रालय कोति ले फ़ूड प्रोसेसिंग के क्षेत्र म उत्कृष्ट काम करे खातिर नई दिल्ली म सम्मानित करे गए हे। कृषि खाद्य उत्पाद के निर्माण अऊ महिला उद्यमिता ल बढ़ावा देहे बर एमएसएमई के राज्यमंत्री भानु प्रताप सिंह वर्मा ह ये अवार्ड प्रदान करिस।
एमएसएमई मंत्रालय कोति ले नई दिल्ली म 5 ट्रिलियन डॉलर इकॉनमी- इनवेस्टमेंट एंड बिजनेस समिट कम अवार्ड कार्यक्रम के आयोजन करे गीस। जिहां ये सम्मान महिला समूह कोती ले कलसल्टेंट सिद्धार्थ पांडेय ह झोंकीन।
आदिवासी बहुल कोंडगांव जिला के महिला मन ह उड़ान महिला किसान प्रोड्यूसर कंपनी बनाय हे। ये कंपनी कोंडानार ब्रांड के नाम ले कृषि खाद्य उत्पाद के निर्माण करथे अऊ बेचत हे। ये कंपनी म 10 बोर्ड ऑफ डायरेक्टर हे। ये मां 30 ले जादा महिला स्व सहायता समूह जुड़े हे, जऊन अचार, चटनी, मिल्क शेक, कुकीज़, तीखुर, नारियल तेल संग 30 ले जादा खाद्य सामान बनाए के काम करत हे। कोंडगांव के कलेक्टर पुष्पेंद्र मीणा ह बताइस कि ये कंपनी ले 200 ले जादा आदिवासी महिला मन ल नियमित रोजगार सुनिश्चित हो गीस हे। इहां काम कर रही महिलाओं ल हर महीना कम से कम 7500 रूपिया वेतन मिलत हे। उमन बताइन कि कोंडानार देश के संग ही दुनिया म घलोक ब्रांड बनत हे। दुबई एक्स्पो म घलोक कोंडगांव उड़ान के प्रोडक्टस ल वर्चुयल प्लेटफॉर्म म रखे गए रहिस। बहुत अकन देश के मनखे मन ह प्रोडक्टस के जानकारी चाहीन।
छत्तीसगढ़ के मुख्यमंत्री भूपेश बघेल ह महिला मन ल अवार्ड मिले म प्रसन्नता व्यक्त करत कहिन कि इहां के आदिवासी महिला मन ह सोशल इंटरप्रेन्योर बन के एक उदाहरण प्रस्तुत करे हे। ऊंखर समर्पण अऊ लगन ले पारंपरिक स्वाद ल नवा पहिचान मिल गए हे।
राहुल गांधी ल घलोक पसंद आए रहिस स्वाद
पाछु महीना रायपुर दौरा म गे सांसद राहुल गांधी ह घलोक महिला मन के बनाय कोंडानार खाद्य सामान के स्वाद ले रहिन, जेमां उमन तीखुर मिल्कशेक के काफी सहराए रहिस।
