अंतर्राष्ट्रीय ओजोन परत संरक्षण दिवस म रायपुर म होइस प्रतियोगिता

ओजोन परत ल बचाय बर जन चेतना म दे गीस जोर

रायपुर, छत्तीसगढ़ पर्यावरण संरक्षण मंडल कोति ले अंतर्राष्ट्रीय ओजोन परत संरक्षण दिवस के अवसर म आज नवीन थिरावन भवन, सिविल लाईंस, रायपुर म पोस्टर अऊ पर्यावरणीय प्रश्नोत्तरी प्रतियोगिता के आयोजन करे गीस। ये बेरा म आयोजित पुरस्कार वितरण समारोह ल सम्बोधित करत पर्यावरण संरक्षण मंडल के सदस्य सचिव श्री आर.पी. तिवारी ह उपस्थित छात्र-छात्रा मन ले आव्हान करिन कि ओ मन ओजोन परत के सुरक्षा बर जन चेतना जागृत करयं। श्री तिवारी ह कहिन कि खुद जागरूक होए के बाद ही हम आम जनता ल ओजोन परत के संरक्षण के उपाय मन ल बनेच ढंग ले समझा सकत हवन। हमला अपन जीवन शैली म बदलाव करके ये सुनिश्चित करना होही कि ओजोन परत ल नुकसान पहुंचइया पदार्थ धीरे-धीरे खतम हो जाए।

श्री तिवारी ह सिंगल यूज प्लास्टिक के उपयोग नइ करे के घलोक अपील करिन। उमन प्लास्टिक के दुष्प्रभाव मन के चर्चा करत कहिन कि ये सैंकड़ो साल तक हमार पर्यावरण ल नुकसान पहुंचात रहिथे। प्रतियोगिता म विजयी भाग लेवईया मन ल पुरस्कार वितरित करे गीस। पर्यावरणीय प्रश्नोत्तरी म पहिली स्थान श्री योगेश कुमार कुर्रे, शा. छत्तीसगढ़ महाविद्यालय, दूसर स्थान श्री रविन्द्र बिहारी अग्रवाल, अग्रसेन महाविद्यालय, तीसर स्थान कु. जमुना साहू, दूर्गा महाविद्यालय, सांत्वना पुरस्कार म कु. पुजा साहू, कु. प्रीति किरूपोट्टा, श्री रूपम वैरागडे ह स्थान प्राप्त करिस। एखरे संगेच पोस्टर प्रतियोगिता म आयु वर्ग 10 साल ले 14 साल म पहिली स्थान श्री हर्ष सोनकर, दूसर स्थान श्री नितिन राव, तीसर स्थान डीम्पल जंघेल अऊ श्री विदेश मेरावी, श्री वैभव शर्मा, कु. चांदनी साहू ह सांत्वना पुरस्कार प्राप्त करिस। आयु वर्ग 15 साल ले 18 साल म पहिली स्थान श्री रितिक पहरिया, दूसर स्थान कु. विनी शर्मा, तीसर स्थान कु तन्नू जंघेल, सांत्वना पुरस्कार म कु. डेजी रानी जंघेल, कु. आफरीन बानो, कु. श्रुती मिश्रा ह स्थान प्राप्त करिस। एखर अलावा आयु वर्ग 19 साल ले 22 साल म पहिली स्थान कु. याशिका जैन, दूसर स्थान कु. कल्पना गंजीर, तीसर स्थान कु. भाविका बोहरा अऊ सांत्वना पुरस्कार कु. काजल साहू, कु. संध्या, कु. श्रीति रॉय ह स्थान प्राप्त करिस।