विशेष पिछड़ी जनजाति परिवार मन ल मिलत हे सुरक्षित घर
बलरामपुर-रामानुजगंज, प्रधानमंत्री जनमन योजना के माध्यम ले विशेष पिछड़ी जनजाति समुदाय ल कई प्रकार के शासकीय योजना मन ले लाभान्वित करे जात हे। पीएम जनमन आवास योजना विशेष पिछड़ी जनजाति समुदाय के जीवन म न केवल सुधार लावत हे, बल्कि पक्का मकान के सपना ल घलोक साकार करत हे।
अपन परिवार के संग सुरक्षित पक्का घर म रहत हे अनिता
बलरामपुर-रामानुजगंज जिला के विकासखंड कुसमी के ग्राम पंचायत पुंदाग के रहवइया श्रीमती अनिता ह बताइस के ओ ह अपन परिवार के संग कइ बछर ले कच्चा मकान म रहत रहिस। ओखर परिवार रोजी-मजदूरी करके जीवन यापन करथे। वोखर आर्थिक स्थिति मजबूत नइ होए के सेती पक्का मकान बनाना वोखर बर चुनौती रहिस। बरसात म टपकती छत, सर्दि के ठिठुरन अऊ गर्मी के तपन वोखर परिवार खातिर हमेशा के मजबूरी बने रहिस। आर्थिक स्थिति कमजोर होए के सेती वोखर पक्का घर के सपना साकार नइ हो पात रहिस। फेर साल 2024-25 म ओ मन ल प्रधानमंत्री जनमन घर योजना के अंतर्गत घर के स्वीकृति मिलीस। समय म राशि अऊ सामान उपलब्ध होए ले ओखर मकान बनके तियार हो गे अऊ आज ओ मन अपन परिवार के संग सुरक्षित पक्का घर म रहत हे।
