मुख्यमंत्री श्री विष्णुदेव साय अम्बिकापुर रेलवे स्टेशन उद्घाटन कार्यक्रम म होही सामिल
रायपुर, प्रधानमंत्री श्री नरेंद्र मोदी 22 मई 2025 के बिहनिया 9.30 बजे वर्चुअल माध्यम ले अमृत भारत स्टेशन योजना के अंतर्गत देशभर के 103 पुनर्विकसित रेलवे स्टेशन मन के उद्घाटन करहीं। ए स्टेशन मन के उन्नयन यात्री मन ल विश्वस्तरीय सुविधा उपलब्ध कराए के उद्देश्य ले करे गए हे। ए महत्वपूर्ण अवसर म छत्तीसगढ़ के मुख्यमंत्री श्री विष्णुदेव साय अम्बिकापुर रेलवे स्टेशन म आयोजित उद्घाटन कार्यक्रम म सामिल होही।
अमृत भारत स्टेशन योजना के तहत देशभर म कुल 1337 स्टेशन मन के आधुनिकीकरण करे जात हे, जेमें 103 स्टेशन अब पूरा तैयार हे। एमां छत्तीसगढ़ राज्य के 05 स्टेशन सामिल हे, जेमां बिलासपुर मंडल के अम्बिकापुर स्टेशन, रायपुर मंडल के उरकुरा भिलाई अउर भानुप्रतापपुर स्टेशन अउर नागपुर मंडल के डोंगरगढ़ स्टेशन सामिल हे।
ए स्टेशन मन ल आधुनिक स्वरूप देहे गए हे। ए स्टेशन मन के सुविधा मन म भव्य प्रवेश द्वार, आकर्षक फसाड, हाई मास्ट लाइटिंग, आधुनिक प्रतीक्षालय, टिकट काउंटर, मॉर्डन टॉयलेट, दिव्यांगजन बर सुगम रैंप, प्लेटफॉर्म शेल्टर, कोच इंडिकेशन सिसटम अऊ डिजिटल डिस्प्ले सामिल हे। संगेच, स्थानीय लोक कला, संस्कृति अऊ परंपरा मन ल घलोक स्टेशन डिज़ाइन म स्थान देहे गए हे।
प्रधानमंत्री करहीं अमृत भारत स्टेशन योजना अंतर्गत देशभर के 103 पुनर्विकसित रेलवे स्टेशन मन के उद्घाटन
