कोरिया, छत्तीसगढ़ म अब कोरोना के मरीज अलकरहा रूप म बाढ़त हे। जानबा हे के कोरिया जिला के शासकीय आत्मानंद इंग्लिश मीडियम स्कूल म कोरोना ब्लास्ट होए हे। जिहां प्राचार्य संग 31 लइका मन कोरोना पॉजिटिव पाए गए हें। आप मन जानतेच होहू के काली 3 गुरूजी मन घलोक कोरोना पॉजिटिव पाए गए रहिन, जेखर बाद होए सघन जांच म 31 झन संक्रमित पाए गए हें। एकर आलवा आज डीएवी बरतुंगा स्कूल म घलोक 6 कोरोना पॉजिटिव मिले हे।
