उत्तर बस्तर कांकेर, जिला के किसान अब आधुनिक तकनीक के उपयोग करके किसानी काम ले अपन जीवन म बदलाव लावत हें। शासन-प्रशासन के मदद ले अंदरूनी क्षेत्र म बसे किसान मन ल अब विषम भौगोलिक स्थिति म घलोक कृषि कार्य के प्रति प्रोत्साहन मिलत हे। ओ मन शासन के कई ठन योजना मन के लाभ लेत उन्नत खेती करके एक बेहतर जीवनशैली कोति आगू बढ़त हें। कोनो फसल के पैदावार बर उचित देखरेख के संग आवश्यकता मुताबिक पानी जरूरी हे, अंदरूनी क्षेत्र के गांव मन म मूलतः विद्युत आपूर्ति के सुचारू व्यवस्था के अभाव म किसान मन ल खेत तक पानी पहुंचाए के समस्या के सामना करना परत हे। विद्युतविहीन खेत मन म सोलर पम्प स्थापना ले प्रदूषण रहित निःशुल्क बाधारहित सिंचाई सुविधा उपलब्ध होवत हे।
उत्तर बस्तर कांकेर : सोलर पंप के सुविधा ले खिल उठिस किसान मन के चेहरा
