उद्यानिकी फसल के होही बीमा

अधिसूचना जारी

मुंगेली 02 जुलाई 2020// खरीफ मौसम म लगाय जाने वाले टमाटर, अदरक, बैगन, केला, पपीता, मिर्च जैसे उद्यानिकी फसल के प्रतिकुल मौसम ले होय वाले हानि के भरपाई के लिए उद्यानिकी फसल के बीमा करे जही। एखर बर किसान के फसल बीमा के लिए शासन द्वारा बजाज आलियांज जनरल इन्श्योरेंस लिमिटेड कंपनी ले अनुबंध करे गय हे। उद्यानिकी विभाग के सहायक संचालक श्री चंद्रदेव सिंह ह बताइन कि उद्यानिकी फसल के मौसम आधारित फसल बीमा बर ऋणी अउ अऋणी उद्यानिकी कृषक ल 15 जुलाई तक आवेदन पत्र जमा करना हे। उद्यानिकी फसल के बीमा बर कृषक ल बीमित राशि के मात्र 5 प्रतिशत प्रति हेक्टेयर कृषक अंश दान के रूप मे जमा करना होही, याने टमाटर फसल बर प्रति हेक्टेयर 1 लाख रूपय के बीमा कराय म 5 हजार, बैगन फसल बर प्रति हेक्टेयर 70 हजार रूपय के बीमा कराय म 3 हजार 500 , अमरूद फसल बर प्रति हेक्टेयर 40 हजार रूपय के बीमा कराय म 2 हजार, केला फसल बर प्रति हेक्टेयर 1 लाख 50 हजार रूपय के बीमा कराय म 7 हजार 500, पपीता फसल बर प्रति हेक्टेयर 1 लाख 10 हजार रूपय के बीमा कराय म 5 हजार 500, मिर्च फसल बर प्रति हेक्टेयर 80 हजार रूपय के बीमा कराय म 4 हजार अउ अदरक फसल बर प्रति हेक्टेयर 1 लाख 30 हजार रूपय के बीमा कराय म 6 हजार 500 रूपय के राशि कृषक अंश दान निर्धारित करे गय हे। ओमन बताइन कि ओला वृष्टि, चक्रवाती, कम या ज्यादा तापमान, असमान्य वर्षा, वायु गति, मौसमी बीमारी, कीट अउ व्याधि ले अधिसूचित फसल के नुकसान होय ल बीमा के राशि के भुगतान करे जही। जादा जानकारी बर जिला स्तर म कार्यालय सहायक संचालक उद्यान अउ विकास खण्ड स्तर म वरिष्ठ उद्यान विकास अधिकारी ले संपर्क करे जा सकत हे।