रायपुर। राजधानी के स्वामी विवेकानंद एयरपोर्ट रोड म दो कार मन म जबरदस्त टक्कर होय हे. जोन म एक लड़की सहित पांच झन गंभीर रूप ले घायल होगे हे. सबो घायल मन के निजी अस्पताल म इलाज चलत हे. हादसा दोनों कार मन के तेज रफ्तार होय के कारण हे.
घटना माना थाना इलाका म शनिवार रात करीब एक बजे के आप-पास के हे. रायपुर ले एयरपोर्ट कोति जावत टिगोर कार क्रमांक सीजी 06 जीआर 1875 म 4 झन बइठे रहिस अउ एयरपोर्ट ले रायपुर कोति जावत सियाज डेल्टा क्रमांक सीजी 04 एमबी 5665 म 2 लड़का बइठे रहिस. तेज रफ्तार होय के सेती अनियंत्रित होके दोनों कार मन आपस म टक्कर होगे.
दोनों कार मन के टक्कर अतना जबरदस्त रहिस कि कार के आगु के हिस्सा के परखच्चा उड़ गए हे. हादसा म एक लड़की सहित 5 झन ल गंभीर चोट आये हे, जोन मन ल एम्बुलेंस के माध्यम ले अस्पताल म भर्ती कराये गए हे. जहां उंखर इलाज जारी हे. टिआगो कार म सरायपाली निवासी दीपक अग्रवाल, अंकुर, ज्योति अउ एंजल वर्मा सवार रहिस. ऐखर अलावा दूसरा कार म सवार व्यक्ति मन रायपुर के रहने वाला हे.
एयरपोर्ट रोड म दो कार मन म जबरदस्त टक्कर, एक लड़की सहित 5 घायल
