रायपुर, छत्तीसगढ़ सरकार कोति ले कर्जमाफी अऊ समर्थन मूल्य म बढ़ोतरी के फैसला ह किसान श्री सरजू प्रसाद चेलक के एलईडी टीवी लेहे के सपना साकार करिस। सही म देखे जाय त किसान मन के आय के मुख्य स्त्रोत केवल कृषि होथे। किसान मन ल ए आय के सहारे ही कुटुंब के मूलभूत जरूरत मन के संगें-संग आन काम मन ल घलोक करना होथे। नवा सरकार के गठन के बाद तुरंत कर्ज माफी के निर्णय ह सरजू चेलक के कुटुंब के सबो सदस्य मन के चेहरा म मुस्कान ला देहे हे।
आरंग विकासखण्ड के ग्राम पंचायत कागदेही के किसान श्री सरजू प्रसाद चेलक सहकारी बैंक ले अपन 4 एकड़ के खेती-किसानी बर 40 हजार रूपिया के कृषि करजा लेहे रहिन। खरीफ साल 2018-19 बर राज्य सरकार कोति ले किसान मन के हित म लेहे गे नीतिगत फैसला ले किसान सरजू प्रसाद चेलक बिकट खुश हे, उन्हें प्रदेश के लाखों किसान कर्जमाफी अउ धान के समर्थन मूल्य म बढ़ोतरी ले आर्थिक रूप ले सुदृढ़ होए हें अऊ ऊंखर अउ ऊंखर कुटुंब के सदस्य मन के जरूरत मन के पूर्ति आसानी ले हो सके हे।
किसान श्री सरजू बताथे के बहुत दिन ले घर म एलईडी टीवी लगाय के सपना रहिस। घर के आन जरूरत मन ल पूरा करे के बाद एलईडी टीवी बर जरूरी पइसा के व्यवस्था नइ हो पात रहिस। महंगी खाद अउ बीज के उपयोग के बाद उत्पादन म कमी ले नुकसान घलोक हो जात रहिस। जेखर सेती ओखर एलईडी टीवी लेहे के सपना पूरा नइ हो पात रहिस। फेर राज्य सरकार के कर्जमाफी अऊ समर्थन मूल्य म बढ़ोतरी ह किसान श्री सरजू चेलक के ये सपना आसान कर दीस। आज वो कर्जमाफी के पइसा ले एलईडी टीवी के आनंद उठावत हे, उन्हें ओ मन ल करजा पटाए के घलोक चिंता नइ हे। धान के समर्थन मूल्य म बढ़ोतरी करे गए राशि ले घर म जरूरी आन चीज मन के घलोक व्यवस्था कर लीस।
