मुख्यमंत्री श्री भूपेश बघेल के अध्यक्षता म कलेक्टर्स कांफ्रेंस आयोजित
मुंगेली 10 जून// मुख्यमंत्री श्री भूपेश बघेल ह विडियो कांफ्रेंस के माध्यम ले प्रदेश के सब्बो कमिश्नर, आईजी, पीसीसीएफ, कलेक्टर, पुलिस अधीक्षक, वनमण्डलाधिकारी अउ जिला पंचायत सीईओ ल कोरोना महामारी नियंत्रण, राहत व्यवस्था सहित राज्य शासन द्वारा संचालित जनकल्याणकारी योजना के प्रगति के संबंध म आवश्यक निर्देश दिन। विडियो कांफ्रेंस म मुंगेली जिला के कलेक्टर श्री पी.एस. एल्मा , पुलिस अधीक्षक श्री डी. श्रवण , जिला पंचायत के मुख्य कार्य पालन अधिकारी श्रीमति नुपूर राशि पन्ना, वनमण्डलाधिकारी श्री कुमार निशांत, अपर कलेक्टर श्री राजेश नशीने , अतिरिक्त पुलिस अधीक्षक श्री कमलेश्वर प्रसाद चंदेल, मुख्य चिकित्सा एवं स्वास्थ्य अधिकारी श्री महादेव तेंदवे सहित आन अधिकारी भी मौजूद रहिंन।
मुख्यमंत्री श्री बघेल ह विडियो कांफ्रेंसिग मे कहिन् कि “छत्तीसगढ़ कोरोना से लड़ाई में जरूर जीतही। हमन ल थकना नई ये, निराश नई होना हे, बल्कि तत्परता ले लड़ाई ल लड़ना हे। कोरोना महामारी के दौरान सब्बो जिला के काम प्रशंसनीय रहिस हे।” इतवार, शनिचर सहित सब्बो त्यौहार के दिन अधिकारी-कर्मचारि मन काम करिंन हें, एखर लिए सब ल धन्यवाद दिन। ओमन कहींन कि अभी कोरोना के आकड़ा बढ़े हे, लेकिन मोला विश्वास हे जैसे आपमन अभी तक नियंत्रण करे हव, आगे भी करिहव। क्वारेंटाईन सेंटर म घलो अछा व्यवस्था करे गे हे । मनरेगा अंतर्गत ग्रामीण क्षेत्र म अच्छा काम होय हे। लोगन ल व्यापक रोजगार दिये गे हे। समय म मजदूरी भुगतान भी होय हावय । विडियो कांफे्रंस म मुख्यमंत्री श्री बघेल ह लोक सेवा गारंटी अधिनियम के तहत प्राप्त आवेदन पत्र अउ निराकृत प्रकरण के जानकारी प्राप्त करिन। मुख्यमंत्री ह कहीन कि आम जनता ल कोनो भी तरह के सेवा मिले म परेशानी झन उठाना पड़े । ये अधिनियम के तहत आम लोगन ल सेवा देय मे कोनो भी प्रकार के उदासीनता अउ कोताही बरतने वाले ल बर्दास्त नई करे जाए। समय सीमा में सेवा उपलब्ध कराय म चूक करे वाले अधिकारि म नियमानुसार अर्थदंड के कार्रवाई के भी निर्देश दिए हवय। मुख्यमंत्री ह लोक सेवा गारंटी अधिनियम के तहत जिला म 22 मार्च से पूर्व तक मिले सब्बो आवेदन के एक सप्ताह के भीतर निराकरण सुनिश्चित करे के साथ ही आवेदन के प्रक्रिया ऑनलाइन करे के कार्रवाई सुनिश्चित करे बर निर्देश दिन हवय ।
