रायपुर, 10 जुलाई 2024। प्रदेश म नवा शैक्षिक सत्र 2024-25 के शुरुआत के संग राज्य भर के स्कूल मन म शाला प्रवेश उत्सव मनाए जात हे। जशपुर जिला म घलोक पूरा उत्साह के संग स्कूल मन म पढ़ईया लईका मन के स्वागत करे जात हे। इही कड़ी म कुनकुरी स्थित शासकीय कन्या उच्चतर माध्यमिक विद्यालय म शाला प्रवेश उत्सव के आयोजन करे गीस। कार्यक्रम म बतौर मुख्य अतिथि मुख्यमंत्री के धर्मपत्नी श्रीमती कौशल्या साय सामिल होइन। जिहां मुख्य अतिथि के संग कार्यक्रम के विधिवत उद्घाटन माँ सरस्वती अउ छत्तीसगढ़ महतारी के फोटो उपर माल्यार्पण अउ दीप प्रज्ज्वलित करके करे गीस। ए अवसर म श्रीमती कौशल्या साय ह अपन उद्बोधन म बालिका शिक्षा उपर जोर देवत स्वास्थ्य संबंधी शारीरिक शिक्षा, नैतिक मूल्य मन के शिक्षा, अपन पारंपरिक संस्कृति ल सहेजे अऊ ओला निभाए के प्रेरणा अपन जीवन म घटित उदाहरण मन ल देके छात्रा मन ल प्रेरित करिन। उमन छात्रा मन ल देखके प्रफुल्लित होके अपन बचपन अऊ स्कूली जीवन के अनुभव अऊ घटना मन ल छात्रा मन के बीच साझा करिन। ऊंखर स्वागत म छात्रा मन से मंगलाचरण नृत्य, स्वागत गीत अउ ‘स्कूल चले हम’ गीत म नृत्य प्रस्तुत करिन।
कार्यक्रम म एक पेड़ मां के नाम अभियान के तहत श्रीमती कौशल्या साय ह वृक्षारोपण तको करिन। प्राथमिक अउ माध्यमिक खंड के साथ आयोजित न्यौता भोज म छात्रा मन के संग सम्मिलित होके न्यौता भोज ग्रहण करिन। कार्यक्रम म शिक्षक, कर्मचारी अऊ बड़ संख्या म छात्र-छात्रा उपस्थित रहिन।
