कोण्डागांव, 29 जनवरी 2024। प्रधानमंत्री श्री नरेन्द्र मोदी ह आज विद्यार्थी, शिक्षक अऊ पालक मन के संग परीक्षा उपर चर्चा करिन। ए कार्यक्रम ल जिला के विद्यालय मन म घलोक प्रसारण करे गीस। जामकोटपारा स्थित स्वामी आत्मानंद अंगरेजी माध्यम स्कूल म आयोजित जिला स्तरीय कार्यक्रम म विधायक सुश्री लता उसेण्डी मुख्य अतिथि के तौर म सामिल होइन। कलेक्टर श्री कुणाल दुदावत, जिला पंचायत अध्यक्ष श्री देवचंद मातलात, उपाध्यक्ष श्रीमती भगवती पटेल संग जनप्रतिनिधिगण, शिक्षक, विद्यार्थी अऊ पालकगण एखर अवसर म उपस्थित रहिन।
ए बेरा म विधायक सुश्री उसेण्डी ह सबो पढ़ईया लईका मन ल अवइया परीक्षा मन म सफलता बर शुभकामना देवत कहिन कि प्रधानमंत्री श्री मोदी ह लइका मन ल परीक्षा म सफलता बर सुक्ष्मता के संग मार्गदर्शन देहे हे, जेन निश्चित तौर म लइका मन के भविष्य ल उज्जवल बनाही।
कोण्डागांव: परीक्षा पे चर्चा स्वामी आत्मानंद स्कूल जामकोटपारा म संघरिन विधायक सुश्री लता उसेंडी
