कोरबा, छत्तीसगढ़ सरकार के महत्वाकांक्षी गोधन न्याय योजना ग्रामीण महिला म के जीवन म सकरात्मक बदलाव लानत हे। जेकर से ओमन आर्थिक रूप ले सुदृढ़ हो के ग्रामीण अर्थव्यवस्था ल सशक्त करे म अपन महती भूमिका निभावत हे। इ कड़ी म जनपद पंचायत कटघोरा के बुंदेली गाँव निवासी झूलबाई ह गोबर बेच के 64 हजार रूपिया कमाए हे, जेकर ले ओ ह दुधारू पशु बिसा के अपन व्यवसाय म विस्तार करे हे।
हितग्राही झूल बाई बतइस के ओ ह पहिली कभू सोचे नई रहिस हे कि गोबर ले कोनो प्रकार के आर्थिक लाभ घलो होही। ओ ह बताइस कि ओकर परिवार खेती किसानी के संग पशुपालन अउ गोरस के व्यवसाय के बुता घलो करथे। ओ ह 10 बछर ले पशुपालन करत हे। पहिली ओ ह मवेसी मन के गोधन के के घरेलू बुता म उपयोग करत रहिस हे तेकर ब अबड़ कन गोबर ह बरबाद हो जात रहिस हे। प्रदेश सरकार के गोधन न्याय योजना के तहत गौठान म गोबर खरीदी सुरू होए ले ओमन ल अक्तहा आय के एक ठ प्रमुख जरिया मिल गय हे। ओ ह बतइस कि ओ ह बुंदेली गौठान म अभी तक ले 320 क्विंटल ले जादा गोबर बेच के 64 हजार ले जादा के लाभ कमाइस हे। गोबर ले अर्जित पइसा के उपयोग ल ह अपन व्यवसाय ल अउ जादा बढोए म करिस हे। ओ ह बतइस कि छत्तीसगढ़ शासन के गोधन न्याय योजना अति लाभकारी योजना हे, एकर ले ग्रामीण मन गोबर बेच के लाभ कमात हे। उहें दूसर कती गौठान मन म गांव म ही महिला मन ल खातु उत्पादन, साग भाजी उत्पादन, केंचुआ उत्पादन, मुर्गी पालन आदि गतिविधि के संचालन ले रोजगार के अवसर मिलत हे।
कोरबा : झूल बाई ल गोबर बेच के होइस 64 हजार ले जादा ले लाभ
