कोरोना काल म घलो मिलत हे बढ़िया स्वास्थ्य सुविधा

कोरोना संक्रमण काल म लागू लाॅकडाउन म लोगन मन ल उपलब्ध होवत हे बेहतर स्वास्थ्य सुविधा 

मुंगेली 03 जून  2020//  आम दिन म तो आम लोगन ल स्वास्थ्य सुविधा के  शासन के सर्वोच्च प्राथमिकता  रहिथे ही।  लेकिन कोरोना  संक्रमण काल मे लागू लाॅकडाउन म घलो लोगन बर बेहतर स्वास्थ्य सुविधा उपलब्ध कराय म राज्य शासन पीछे नई ये। बल्कि  मुश्तैद होके बेहतर ढ़ग ले लोगन के स्वास्थ्य सुविधा उपलब्ध करावत हे।
जिला म आम लोगन के ईलाज के साथ-साथ लाॅकडाउन होय के कारण दिल्ली, आध्रप्रदेश, तेलंगाना, गुजरात, उत्तरप्रदेश, मध्यप्रदेश अउ महाराष्ट्र से प्रतिदिन सड़क अउ रेलमार्ग ले आय वाले श्रमिक के ईलाज ल भी  सर्वोच्च प्राथमिकता दे हावयं । श्रमिक के ईलाज बर 1487 क्वारेंटाइन सेंटर स्थापित करे हावयं।  क्वारेंटाइन सेंटर म जिला के लगभग 31 हजार श्रमिक ल अस्थाई रूप से ठहराया गय इन श्रमिक के ईलाज के साथ-साथ  भोजन, आवास, पेयजल, दवाई, आदि के सुविधा दीये गे हे । क्वारेंटाइन सेंटर मे संदिग्ध श्रमिक के जांच म जेेन  श्रमिक मे कोरोना पाॅजिटिव पाय जात हे उपचार बर अखिल भारतीय आयुर्विज्ञान संस्थान (एम्स) रायपुर  भेजत हें। एखर अलावा जिला मुख्यालय मे त्वरित उपचार  बर सौ बिस्तर  कोविड-19 अस्पताल अउ 48 बिस्तर के जिला स्तरीय क्वारेंटाइन सेंटर के स्थापना करे गय हे। क्वारेंटाइन सेंटर मे यदि कोनो व्यक्ति ल कोरोना के लक्षण (खर्सी , सिर दर्द, सास लेने मे तकलीफ) दिखाई दे त पृथक करके ईलाज बर  स्थापित सर्व सुविधा युक्त  आईसोलेशन केंद्र मे रखे जही।