कोरोना संकट के बाद घलव जमकेे बरसत हे हरियर सोना

लक्ष्य के उल्टा अब तक 58 प्रतिशत तेंदूपत्ता के संग्रहण
संग्राहक ल 389 करोड़ रुपिया के आय

रायपुर, 7 जुलाई 2020/ कोरोना संकट ह भले ही देश के अर्थव्यवस्था ल प्रभावित करे हो, लेकिन इही दौरान छत्तीसगढ़ के जंगल म हरा सोना के जमके बारिश होहे । लॉकडाउन के दौरान प्रदेश म तेंदूपत्ता के संग्रहण पूरा रफ्तार के साथ होथे । चालू सीजन म 16 लाख 71 हजार मानक बोरा तेंदूपत्ता संग्रहण के लक्ष्य के विरुद्ध 9 लाख 72 हजार 697 मानक बोरा के संग्रहण करे जा चुके हावे । जो कुल लक्ष्य के 58 प्रतिशत हे ।एखर से संग्राहक मन ल 389 करोड़ रुपिया के आय होइस ।

कोरोना संकट सुरु होत मुख्यमंत्री श्री भूपेश बघेल के निर्देश म राज्य शासन द्वारा ये सुनिश्चित करे गे हावे की लॉकडाउन के दौरान कृषि अउ वन आधारित आर्थिक गतिविधी मन चलत रहे । नया सीजन म तेंदूपत्ता संग्रहण काम म उत्पन्न नवा चुनौती मन के आंकलन कर रणनीति तैइयार करे गे हावे । तेंदूपत्ता के संग्रहण ले भंडारण तक काम पूरा तरह स्थानीय श्रमिक मन ले कराये जाही । एखर बीते सीजन के तुलना म, ये सीजन म स्थानीय लोगन मन ला रोजागर के अधिक अवसर मिलही । कृषि क्षेत्र के तरह, वन क्षेत्र मन म घलव सबो तरह के आर्थिक गतिविधी पूरा एहतियात के साथ संचालित करे गे हावे । एमे सोशल डिस्टेंसिंग अउ मास्क के अनिवार्यता भी सामिल रहे हे । राज्य शासन द्वारा तेंदूपत्ता संग्रहण दर म इजाफा करत 4000 रुपिया प्रति मानक बोरा कर दे ले संग्रहक मन ये सीजन म खास उत्साह के संग तेंदूपत्ता के संग्रहण करिस । लॉकडाउन समाप्त होये, अउ अनलॉक के सुरुआत होये के संग म ही, संग्रहण काम म अउ तेजी आ गे हावे । गौरतलब हे कि छत्तीसगढ़ के तेंदूपत्ता के गुणवत्ता देश म सर्वश्रेष्ठ मने जाथे ।

शासन ह सबो तेंदूपत्ता श्रमिक मन ल समय म भुगतान सुनिश्चित करे के निर्देश दे हावे, जेन अंदरुनी क्षेत्र म बैंक मन के माध्यम ले राशि के निकले म असुविधा होथे, उहां श्रमिक मन ला नकद भुगतान करे ल कहे गे हावे । छत्तीसगढ़ राज्य लघु वनोपज सहकारी संघ ल प्राप्त जानकारी के अनुसार अब तक जिला यूनियन बीजापुर म 81 हजार 998 मानक बोरा तेंदूपत्ता के संग्रहण करे गे हावे । इहि ढंग ले सुकमा म 41 हजार 83 मानक बोरा, दंतेवाड़ा म 3 हजार 611 मानक बोरा अउ जगदलपुर म 11 हजार 819 मानक बोरा तेन्दूपत्ता के संग्रहण हो चुके हे । दक्षिण कोण्डागांव म 11 हजार 485 मानक बोरा, केशकाल म 16 हजार 654 मानक बोरा, नारायणपुर म 12 हजार 664 मानक बोरा, पूर्व भानुप्रतापपुर म 82 हजार 126 मानक बोरा, पश्चिम भानुप्रतापपुर म 67 हजार 743 मानक बोरा अउ कांकेर म 28 हजार 643 मानक बोरा तेन्दूपत्ता के संग्रहण करे गे हावे ।

इहि तरह जिला यूनियन राजनांदगांव म 59 हजार 590 मानक बोरा, खैरागढ़ म 28 हजार 409 मानक बोरा, बालोद म 16 हजार 298 मानक बोरा अउ कवर्धा म 20 हजार 292 मानक बोरा तेन्दूपत्ता के संग्रहण हो चुके हे। धमतरी म 19 हजार 13 मानक बोरा, गरियाबंद म 58 हजार 428 मानक बोरा, महासमुंद म 51 हजार 856 मानक बोरा, बलौदाबाजार म 13 हजार 641 मानक बोरा तेन्दूपत्ता के संग्रहण करे गे हावे । जिला यूनियन बिलासपुर म 14 हजार 20 मानक बोरा, मरवाही म 11 हजार 526 मानक बोरा, जांजगीर-चांपा म 3 हजार 445 मानक बोरा, रायगढ़ म 26 हजार 986 मानक बोरा, धरमजयगढ़ म 54 हजार 284 मानक बोरा, कोरबा म 33 हजार 459 मानक बोरा अउ कटघोरा म 36 हजार 424 मानक बोरा तेन्दूपत्ता के संग्रहण हो चुके हे । इसके अलावा जशपुरनगर म 15 हजार 350 मानक बोरा, मनेन्द्रगढ़ म 25 हजार 324 मानक बोरा, कोरिया म 21 हजार 145 मानक बोरा, सरगुजा म 19 हजार 79 मानक बोरा, बलरामपुर म 49 हजार 892 अउ सूरजपुर म 36 हजार 395 मानक बोरा तेन्दूपत्ता का संग्रहण हो चुके हे ।

दुर्ग ले गुरतुर गोठ बर सोनू कुमार