मुंगेली 13जून// कृषि विभाग के उपसंचालक श्री डी. के. ब्योहार ह बताइन कि संचालनालय कृषि छत्तीसगढ़ रायपुर ले प्राप्त निर्देश म खरीफ 2020 के प्रभावी क्रियान्वयन, समसामयिक विषय म तकनिकी जानकारी देय अउ योजना के व्यापक प्रचार-प्रसार बर ग्राम स्तर म किसान संगोष्ठी के आयोजन करे जहि । कृषक संगोष्ठी म किसान ल शासन के मंशा के अनुरूप धान के बदले आन दलहन, तिलहन फसल ल बढ़ावा देय, धान के खेत के मेड म अरहर अव तिल के खेती ल प्रोत्साहित करे, राजीव गांधी किसान न्याय योजना अव प्रधानमंत्री फसल बीमा योजना के जानकारी प्राथमिकता के आधार म दे जही। ये संबंध मे वरिष्ठ कृषि विकास अधिकारी के समीक्षा बैठक आयोजित करे गिस। बैठक मे राजीव गांधी किसान न्याय योजना अंतर्गत धान के स्थान म आन दलहन तिलहन फसल लेय म अतिरिक्त सहायता अनुदान दिये जाय के प्रावधान के संबंध म घलो जानकारी देय गिस।
