खेल जीवन के अभिन्न हिस्सा-मंत्री श्री टंकराम वर्मा, नेशनल ताइक्वांडो के करिन शुभारंभ

रायपुर 02 फरवरी 2024। खेल अउ युवा कल्याण मंत्री श्री टंकराम वर्मा ह आज राजधानी रायपुर के सरदार बलबीर सिंग जुनेजा इंडोर स्टेडियम म आयोजित नेशनल ताइक्वांडो के शुभारंभ करिन। ए बेरा म उमन कहिन कि खेल जीवन के अभिन्न हिस्सा हे। खेल शारीरिक अऊ मानसिक विकास बर जरूरी हे। मंत्री श्री वर्मा ह खिलाड़ी मन ले परिचय प्राप्त करिन। उमन दू दिन तक चलइया ए राष्ट्रीय ताइक्वांडो प्रतियोगिता म कई राज्य मन ले आये खिलाड़ी मन ल उमन शुभकामना दीन। ताइक्वांडो फेडरेशन ऑफ इंडिया के तत्वाधान म छत्तीसगढ़ ताइक्वांडो संघ कोति ले आयोजित ए प्रतियोगिता म 25 राज्य के 800 खिलाड़ी सामिल होए हे। कई राज्य मन ले आए ताइक्वांडो के नान्हें-नान्हें 14 बालक अऊ 14 बालिका खिलाड़ी घलोक सामिल हे।