पंचायत मंत्री ह उन्नीसवां राज्य स्तरीय शालेय क्रीड़ा प्रतियोगिता 2019 के करिस शुभारंभ
19 सितमबर तक होही प्रतियोगिता के आयोजन
रायपुर, पंचायत अऊ ग्रामीण विकास मंत्री श्री टी. एस. सिंहदेव ह आज अंबिकापुर म उन्नीसवीं राज्य स्तरीय शालेय क्रीड़ा प्रतियोगिता के शुभारंभ करिन। महापौर डॉ. अजय तिर्की ह कार्यक्रम के अध्यक्षता करिन। शालेय क्रीडा प्रतियोगिता के आयोजन स्थानीय शासकीय बहुउद्देशीय उच्चतर माध्यमिक विद्यालय म करे गीस। प्रतियोगिता 19 सितमबर 2019 तक चलही।
शालेय खेल प्रतियोगिता के उद्घाटन कार्यक्रम ल संबोधित करत श्री सिंहदेव ह कहिन कि छत्तीसगढ़ म खेल के स्तर ल सुधारे अऊ खेल प्रतिभा मन ल निखारे बर राज्य शासन कई ठन स्तर म ठोस पहल करत हे। श्री सिंहदेव ह कहिन कि खेल प्रतिभा मन के कम उमर ले ही पहिचान करके उंखर बुनियाद ल मजबूत करके राष्ट्रीय अऊ अन्तर्राष्ट्रीय स्तर म निखारे बर राज्य सरकार सरलग उदीम करत हे। अवइया दिन म खेल के प्रति गहनता ले अऊ समर्पित भाव ले खिलाड़ि मन ल आगू बढ़ाए बर खेल प्राधिकरण के गठन करे जाही। उमन कहिन कि खेल प्राधिकरण के गठन हो जाय ले कई ठन खेल मन के अकादमी खोले के मार्ग घलोक प्रशस्त होही अऊ खेल प्रतिभा मन ल निखारने बर बनेच वातावरण निर्मित होही। श्री सिंहदेव ह प्रदेश के कई ठन क्षेत्र मन ले आए खिलााड़ि मन अऊ अधिकारी-कर्मचारी मन ल बनेच खेल के प्रदर्शन करे बर शुभकामना दीन। उमन कहिन कि खिलाड़ी खेल भावना के प्रदर्शन करत अपन भविष्य ल उज्ज्वल बनाव। कार्यक्रम म डिप्टी मेयर श्री अजय अग्रवाल, जिला पंचायत उपाध्यक्ष श्री प्रभात खलखो, सदस्य श्री राकेश गुप्ता, संग जनप्रतिनिधि, कोच अऊ खिलाड़ी उपस्थित रहिन।
