जिला के किसान 13 हजार ले जादा रूख म वैज्ञानिक पद्धति ले करत हे लाख ले खेती
गरियाबंद 22 जून 2023
राज्य शासन कती ले लाख उत्पादन ल घलो खेती ले दर्जा दिए जाए के फलस्वरूप गरियाबंद जिला के किसान लाख उत्पादन कर जादा मुनाफा अर्जित करे के डहर म अग्रसर हे। गरियाबंद वन मण्डल अंतर्गत लाख के खेती ल बढ़ावा देहे ब चार क्लस्टर के चयन करे गय हे। चयनित क्लस्टर म किसान मन ल वैज्ञानिक पद्धति ले लाख ले खेती ब प्रशिक्षण दिए जाथ हे। एकर अंतर्गत 761 किसान प्रशिक्षण ले के 8243 कुसुम(कोसाम) रूख अउ 4849 बेर(बोईर) रूख मन म लाख के खेती करत हे। शासकीय तकनीकी सलाह अउ मार्गदर्शन मिले के सेती जिला के किसान 13 हजार ले जादा रूख म वैज्ञानिक पद्धति ले लाख के खेती करत हे। लाख के खेती आर्थिक उन्नति के नवा आयाम ए। एकर से किसान मन ल कम लागत अउ कम समय म जादा मुनाफा कमाए के अवसर मिलत हे। राज्य शासन कती ले लाख के खेती ब किसान मन ल सरलग प्रोत्साहित करत हे।
वनसंरक्षक गरियाबंद वनमण्डल ह बतइस कि लाख के खेती ल जादा प्रोत्साहन कर के लाख किसान करा बीहन लाख बिसा के दूसर जिला के किसान मन ल घलो दिए गए हे। ओ ह बताइस कि जून-जुलाई 2023 म देवभोग कलस्टर अंतर्गत अभी तक 5 झन किसान मन ले 14.53 क्विंटल लाख बिसाये गय हे। एकर कीमत 5 लाख 75 हजार 527 रूपिया हे। जिला म लाख के खेती ब लाख पालक किसान मन ल जिला सहकारी केन्द्रीय बैंक के प्राथमिक साख सहकारी समिति ले समन्वय स्थापित कर वित्तीय वर्ष 2022-23 म 66 झन किसान मन ल 23 लाख 25 हजार लोन ले राशि वितरित करे गए हे। एकर छोड़े वित्तीय वर्ष 2023-24 म 17 झन किसान मन ल 8 लाख 50 हजार रूपिया के लोन दिए गय हे। शासन कती ले आर्थिक सहायता पा के किसान सुलभ तरीका ले लाख के खेती ब प्रोत्साहित होवत हे।
Success Stories
Neha Rathore
