गृहमंत्री श्री ताम्रध्वज साहू ह करिस पुलिस विभाग के समीक्षा
रायपुर, बिलासपुर जिला के प्रभारी अऊ गृहमंत्री श्री ताम्रध्वज साहू ह आज बिलासपुर के मंथन सभाकक्ष म पुलिस विभाग के समीक्षा बैठक लीन। बैठक म उमन कहिन कि पुलिस के छबि अइसन बनावयं कि अपराधी मन के मन म भय अऊ जनता के मन म सम्मान रहय। उमन एक कहावत के सुरता देवात कहिन कि पुलिस ल गरीब मन के आह अऊ अमीर मन के वाह कभू नइ लेना चाहि। पुलिस महकमा ल गरीब अऊ कमजोर तबके के प्रति जादा संवेदनशील होना परही। गरीब अऊ पीड़ित मनखे के मदद करके आप मन ल घलोक संतुष्टि मिलही। पीड़ित मनखे थाना आके तभे अपन पीरा बता पाही जब पुलिस ओखर से नरम व्यवहार करही। उमन सट्टा अऊ नसा के कारोबार म सख्ती ले लगाम लगाय के निर्देश दीन।
गरीब मन के आह अऊ अमीर मन के वाह झन लेवय पुलिस: श्री साहू
