पढाई तुंहार दुआर योजना
गुरू तुझे सलाम कैम्पेन कार्यक्रम 13 जून ले 23 जून तक
मुंगेली 08 जून 2020 //
कलेक्टर श्री पी एस एल्मा के मार्गदर्शन म जिला के स्कूल म पढाई तुंहार दुआर योजना के द्वारा आनलाइन कक्षा के संचालन करे जावत हे। ये कार्यक्रम के व्यापक प्रचार-प्रसार बर शासन के निर्देशानुसार लइका, गुरूजी पालक ल ये कार्यक्रम से जोडे रखे खातिर गुरू तुझे सलाम कैम्पेन कार्यक्रम 13 जून से सुरु होके 23 जून तक पूरा मुंगेली जिला में संचालित होही।
गुरू तुझे सलाम कैम्पेन कार्यक्रम में संकुल स्तर से लेके राज्य स्तर तक के शिक्षक, लइका अउ पालक जुडके कार्यक्रम ल सफल बनाही। पढाई तुंहर दुआर कार्यक्रम के तहत शिक्षक, लइका अव पालक ल डिप्रेशन अउ तनाव आदि से बचाके ऊर्जावान बनाए रखे बर अउ शिक्षक- पालक के बीच के संबंध ल अउ मजबूत बनाय रखे बर राज्य परियोजना कार्यालय द्वारा गुरु तुझे सलाम कैम्पेन चलाय जही।
शिक्षक द्वारा 11जून, 13जून 16 जून अउ 18 जून के बिहनिया 11बजे से मंझनिया 12 बजे तक, लइकामन द्वारा 13 जून, 16जून ,18 जून, अउ 20 जून के मंझनिया 1 बजे से 2 बजे तक । पालकमन के द्वारा 16 जून, 18 जून , 20 जून , 23 जून के संझा 4 बजे से 5 बजे तक के समय तय करे गे हवय।
