गुरूजी मन साझा करिन अपन अहा पल

गुरुजी मन बताइन अपन अविस्मरणीय पल

मुंगेली 12 जून 2020// कलेक्टर श्री पी. एस. एल्मा के मार्गदर्शन म इस लॉक डाउन समय म छग शासन के महती योजना पढ़ई तुहर दुवार संचालित होवत हे। आनलाइन क्लास योजना अंतर्गत दिनांक 11जून के गुरु तुझे सलाम #gurutujhesalam# नामक कार्ययोजना पूरा राज म संचालित होवत हे। ये कार्यक्रम के अंतर्गत मुंगेली जिला के तीन विकासखंड के 56 संकुल म सब्बो शिक्षक अपन अपन संकुल समन्वयक के साथ ऑन लाइन मीटिंग म अपन जीवन के अहा क्षण जे प्रेरणादायी के साथ साथ अविस्मरणीय पल रहिस, जेला साझा करिन। मुंगेली जिलाधीश के संरक्षण अउ जिला शिक्षा अधिकारी के मार्गदर्शन म जिला नोडल अधिकारी श्री पी सी दिव्य मीडिया प्रभारी श्री राजेन्द्र सिंह क्षत्रिय ये कार्यक्रम पढई तुहर दुवार कार्ययोजना के सफल संचालन करत हवय। जिला ले जिला शिक्षा अधिकारी, सहायक परियोजना अधिकारी, विकास खण्ड शिक्षा अधिकारी सहायक विकास खण्ड शिक्षा अधिकारी समस्त संकुल समन्वयक के साथ सब्बो शिक्षक गुरु तुझे सलाम के अंतर्गत अपन अहा पल ल साझा करत आनन्दित होईन, साथ ही कोविड 19 जैसन महामारी के बीच अपन विद्यार्थी पालक से सम्पर्क व लगातार आन लाइन क्लास के अनुभव ल साझा करत नवा उमंग व ऊर्जा से नवा कर्तव्य के निर्वहन बर संकल्पित होईन। कार्यक्रम के सम्बंध म जानकारी देत समग्र शिक्षा कार्यक्रम के सहायक परियोजना अधिकारी आकाश परिहार जेन पढाई तुंहर दुवार कार्यक्रम के जिला मीडिया प्रभारी ह बताइन कि गुरु तुझे सलाम कार्यक्रम पहले संकुल स्तर म फेर विकास खंड स्तर म ओखर बाद जिला अउ राज्य स्तर म घलो संचालित होही। येन कार्यक्रम म विकास खंड शिक्षा अधिकारी प्रदीप दिवाकर मुंगेली , प्रकाश तिवारी लोरमी रामजी पाल पथरिया ले संकुल समन्वयक अत्रि प्रताप सिंह बलराज सिंह उमेश कस्यप जिला राम यादव अउ मीडिया म आशीष सोनी देवेश पाठक मिलु यादव शिव प्रसाद कौशिक के मेन भूमिका हवय।