गृहमंत्री श्री ताम्रध्वज साहू ह देश के आन-बान अऊ शान राष्ट्रीय ध्वज तिरंगा के करिन ध्वजारोहण

रायपुर, राष्ट्रीय पर्व स्वतंत्रता दिवस जिला मुख्यालय बेमेतरा म जिला के गौरवशाली परंपरा के मुताबिक पूरा गरिमामय वातावरण म स्वतंत्रता के 75वां वर्षगांठ समारोह मनाए गीस। कार्यक्रम के मुख्य अतिथि प्रदेश के गृहमंत्री श्री ताम्रध्वज साहू ह आज सोमवार के मुख्य समारोह स्थल बेमेतरा के ऐतिहासिक बेसिक स्कूल ग्राउण्ड मे बारिश के रिमझिम फुहार के बीच देश के आन-बान अऊ शान राष्ट्रीय ध्वज तिरंगा के ध्वजारोहण कर सलामी लीन। उमन प्रदेश के मुख्यमंत्री श्री भूपेश बघेल के प्रदेश के जनता के नाम दीन संदेश के वाचन करिन अऊ उत्साह उमंग के चिनहा रंग-बिरंगा गुब्बारा आकाश मे छोडि़न।