भेंट मुलाकात : रामपुर विधानसभा
गोबर पेंट निर्माण इकाई म एक समूह के 22 झन करथे बुता,समूह के सदस्य ह मुख्यमंत्री ल बताइस गौठान ले गोबर बिसा के ओला मिक्सिंग टैंक म रिफाइन करे जाथे। लगभग 1 घंटा म 400 लीटर अउ एक दिन म हजार लीटर बना सकत हन।
ऐला 150 रुपिया प्रति लीटर
डब्बा के पैकेजिंग म बेचे जाथे। एमा 1, 4, 10 अउ 20 लीटर के पैकेजिंग हे।
अभी तक 1 हजार लीटर बेचा गए हे। 7500 लीटर के ऑर्डर आय हे।
भेंट-मुलाकात : रामपुर विधानसभा
गोबर पेंट यूनिट म राजीव युवा मितान क्लब के सदस्य, अन्नपूर्णा स्व-सहायता समूह से 3 महिला सदस्य बुता करथे। समूह के शिवानी अघरिया ग्राम चिर्रा ह बताइस कि पहिली खेत म मजदूरी करत रहिस हे। पति घलो मजदूरी करथे। ईहाँ काम ले जुड़ते संग ही आमदनी के उम्मीद बाढ़ गय हे।
भेंट मुलाकात : रामपुर विधानसभा
ग्राम चिर्रा के विकास, गंगा प्रसाद ह बताइस कि ओ ह अब राजीव युवा मितान क्लब के सदस्य बन गए हे। गांव म रीपा के लगे ले हम सब झन ल लाभ मिलत हे। गोबर पेंट निर्माण के बाद सेल्स मेन के रूप म काम करत हे।
