गौठान बन गे पशु नस्ल सुधार के केन्द्र : ग्रामीण जनजीवन ल मिलीस एक नवा गति

रायपुर, 22 अप्रैल 2020। छत्तीसगढ़ सरकार के सुराजी ग्राम योजना नरवा, गरूवा, घुरूवा अऊ बाड़ी, ग्रामीण अर्थव्यवस्था ल गति देहे अऊ ओला सुदृढ़ बनाए म संजीवनी जइसे असरकारक साबित होए हे। सुराजी योजना के चार प्रमुख घटक मन म ले गरूवा सही म राज्य म पशुधन संरक्षण अऊ संवर्धन म अहम रोल अदा करे हे। गरूवा कार्यक्रम के तहत पशुधन के देखभाल अऊ उंखर संरक्षण बर गांव-गांव म बने गौठान अभी हाल समय म गांव अऊ गांव वाले मन के बेहतरी के केन्द्र बन गे हे। ए गौठान मन म एक कोति जिहां पशु मन के देखभाल, ऊंखर चारा, पानी व्यवस्था, पशु मन के स्वास्थ्य परीक्षण, टीकाकरण अउ पशु नस्ल सुधार के तहत बधियाकरण अउ गर्भाधान ल सहजता ले अंजाम दे जात हे, त उहें दुसर कोति ए गौठान मन म गांव के महिला स्व-सहायता समूह कोति ले सब्जी उत्पादन, सीमेंट पोल, अगरबत्ती, पापड़, बड़ी, आचार, दोना पत्तल निर्माण जइसे आय मूलक गतिविधि मन के संचालन ले ग्रामीण अर्थव्यवस्था ल एक नवा गति मिले हे।