गौरेला पेंड्रा मरवाही: वर्मी कम्पोस्ट अऊ मछली पालन ले आत्मनिर्भर होवत हे पड़वनिया गौठान के महिला मन

गौरेला पेंड्रा मरवाही, जनपद पंचायत गौरेला के ग्राम पंचायत पड़वनिया गौठान म स्व सहायता समूह के महिला मन वर्मी कम्पोस्ट निर्माण अऊ मछली पालन ले आत्मनिर्भर होवत हें। जमुना स्व सहायता समूह के सचिव श्रीमती लक्ष्मी बाई पाव ह अपन जुबानी बताइस कि पाछू करीबन 1 साल म गोबर खरीदी अऊ वर्मी कम्पोस्ट के बिक्री ले 3 लाख रूपिया के लाभ प्राप्त होय हे अऊ एखर अलावा गौठान परिसर म डबरी म मछली पालन ले समूह ल 55 हजार रूपिया के कमाई होए हे। गौठान म आजीविका गतिविधि मन के तहत समूह के महिला मन मुर्गी पालन अऊ बकरी पालन घलोक करत हें। समूह के सचिव ह गौठान मन म आजीविका गतिविधि मन ले महिला मन ल आत्मनिर्भर बनाए म मुख्यमंत्री श्री भूपेश बघेल ल धन्यवाद देहे हे।