रायपुर, ग्रामोद्योग मंत्री गुरु रूद्र कुमार ह काल नीर भवन म छत्तीसगढ़ राज्य हथकरघा विकास अउ विपणन सहकारी संघ मर्यादित रायपुर के समीक्षा बैठक लीन। ग्रामोद्योग मंत्री गुरु रूद्र कुमार ह ये समीक्षा बैठक म संघ के कामकाज अऊ संचालित योजना मन के परखर जानकारी लीन।
ये बेरा म मंत्री गुरु रूद्र कुमार ह अधिकारी मन ले कहिन कि हाथकरघा कपड़ा मन के निर्माण अऊ उंखर गुणवत्ता के उत्कृष्टता सुनिश्चित करे बर कार्ययोजना बनाके जल्दी प्रस्तुत करव। सरकार गठन के बाद अब ग्रामोद्योग विभाग ह नवाचार करत हाथकरघा कपड़ा मन के रंगाई म वनस्पति रंग जइसे मेहंदी, अनार, हर्रा, कत्था, बबूल के छिलका अऊ प्याज के रस ले बने रंग के परयोग करे जात हे। ए कपड़ा मन ल देश अऊ विदेश म बहुत पसंद करे जात हे अऊ एखर बहुत बढ़िया मांग हे। मंत्री गुरू रूद्र ह कहिन कि रंग के निर्माण म उपयोग होवइया वनोपज ल आदिवासी अंचल मन ले ग्रामोद्योग विभाग सीधा क्रय करय। जेखर से आदिवासी अंचल मन म विभाग के माध्यम ले रोजगार उपलब्ध होवय।
