मुंगेली 2 जुलाई 20//
मुंगेली ले एक दिल दहला देय वाले घटना सामने आय हे, जहां अपन नापाक मंसूबे म कामयाब नई होय ले वहशी दरिंदा ह 14 साल के नोनी ल जिंदा जला दिस। इंसानियत ल शर्मसार करे वाले ये घटना मुंगेली जिला के गांव घुठेरा नवागांव के हवय । घर म 14 साल के नोनी अकेला रहिस। जेखर पड़ोस म रहइया दुराचारी बबलू भास्कर पहले से ही ये लइका म बुरी नियत रखत रहिस। जब नोनी ल घर म छोड़के ओखर घरक मन बाहर काम म गय रहिन त मौका पाके बबलू भास्कर घर घुसके छेड़छाड़ अउ अश्लील हरकत करे लगिस। बबलू भास्कर के हरकत से तंग 14 साल के नोनी ह ओखर मंसूबे ल पूरा नई होन दिस। भागे के कोशिश करे लगीस, जेखर ले बौखलाए बबलू भास्कर ह ओखर ऊपर केरोसिन तेल डाल दिस अउ आग लगा दीस ।जलत आग म नोनी मदद के लिए पुकारत घर ले बाहर भागीस। ओला एसनिहे जलत देख आसपास के लोगन मन ह कसनिहे आग बुझाईन अउ एंबुलेंस ल खबर करिन । अस्पताल ले तो जाय गिस लेकिन उहां दम तोड़ दिस।
घटना के सूचना पाके कोतवाली पुलिस मौके म पहुंचीस अउ पूरी जानकारी हासिल करे के बाद आरोपी बबलू भास्कर ल गिरफ्तार कर लिये गिस। एसनिहे मुजरिम ल सजाये मौत मिलना ही चाही अइसन लोगन के कहना हे।
