घोलेंग के महिला मन तियार करत हे महुआ के स्वादिस्ट लड्डू

शुगर फ्री लड्डू ऑनलाईन उपलब्ध
कुपोषण ले लडे़ म लाभकारी
रायपुर, 10 जुलाई 2023
वनांचल के महिला मन घलो अपन मनपसंद स्व-रोजगार ले जुड़ के आर्थिक लाभ लेवत हे। जशपुर जिला के घोलेंग स्व-सहायता समूह के महिला मन महुआ के स्वादिस्ट लड्डू तियार करके ऑनलाईन बेचरी करत हे। महिला मन के हाथ ले बने स्वादिष्ट आरोग्य महुआ लड्डू घर बईठे vedicvatica.org&amazon.in  ऑनलाईन के माध्यम ले प्राप्त कर सकत ह। लईका मन ब सर्वोत्तम अउ कुपोषण ले लडे़ म लाभकारी घलो हे।    
     छत्तीसगढ़ शासन कती ले ग्रामीण अर्थव्यवस्था ल मजबूत करे ब गांव-गांव म महात्मा गांधी ग्रामीण औद्योगिक पार्क (रीपा) के सुरूआत करे हे। जशपुर म महुआ, चार, चिरौंजी, साल-सागौन अउ आने वन सम्पदा ह भरपूर मात्रा म पाए जाथे। पहिली महुआ के उपयोग शराब बनाए ब करे जात रहिस हे, फेर अब महुआ ले स्वादिस्ट लड्डू, कुकीज, बिस्कुट अउ दूसर खाद्य साम्रगी तियार करे जाथ हे। सेहत ब अबड़ फायदेमंद होथे। जशुपर म तियार महुआ लड्डू ले खासियत ए हे कि आरोग्य महुआ लड्डू, जंगली महुुआ फूल, देशी घी अउ गुड़, गोंद अउ अश्वगंधा ले तियार करे जाथ हे। एक पाकिट म 15 नग महुआ पैकिंग करे जाथ हे, ए ह शुगर फ्री होथे। एकर मूल्य 255 रूपिया निर्धारित करे गय हे।
    युवा वैज्ञानिक समर्थ जैन ह बताइस कि महुआ लड्डू के कतको फायदा हे आयरन, कैल्शियम, पोटेशियम, मैंगनीज, जिंक, कोबाल्ट जईसे दूसर सूक्ष्म पोषक तत्व के समृद्ध स्रोत हे। ए ह रक्त म ग्लूकोज के अचानक वृद्धि ल रोके म मदद करथे।
Success story
Neha Rathore