रायपुर, विश्व बैंक के सहायता ले ’छत्तीसगढ़ इन्क्लुसिव रूरल एण्ड ऐक्सलीरेटेड एग्रीकल्चर ग्रोथ प्रोजेक्ट’ चिराग के क्रियान्वयन राज्य म करे जाही। ’चिराग’ के माध्यम ले सरगुजा अऊ बस्तर म कृषि क्षेत्र म सुधार बर काम करे जाही संगेच राज्य सरकार के महत्वाकांक्षी परियोजना नरवा-गरूवा-घुरवा-बाड़ी के उन्मुखीकरण कई ठन विभागीय योजना मन के समन्वय ले करे जाही।
ये संबंध म छत्तीसगढ़ राज्य शासन के कार्ययोजना ल जाने अऊ समझे बर विश्व बैंक के 19 सदस्यीय दल 15 ले 21 सितमबर तक राज्य के दौरा म हे। आज मंत्रालय महानदी भवन म अपर मुख्य सचिव श्री के.डी.पी. राव ह विश्व बैंक के प्रतिनिधि मण्डल अऊ योजना के क्रियान्वयन बर राज्य सरकार के चिन्हित विभाग मन के अधिकारी मन के बैठक लीन। बैठक म कृषि, उद्यानिकी, पशुधन विकास, पंचायत अऊ ग्रामीण विकास, आदिम जाति अऊ अनुसूचित जाति विकास, लोक स्वास्थ्य अऊ परिवार कल्याण, खाद्य अऊ नागरिक आपूर्ति, वन, समाज कल्याण, महिला अऊ बाल विकास, जल संसाधन अऊ ग्रामोद्योग विभाग कोति ले कई ठन योजना मन के संबंध म प्रस्तुतिकरण दे गीस। बैठक म सचिव ग्रामोद्योग श्री हेमंत पहारे, संचालक कृषि श्री मुकेश बंसल संग संबंधित विभाग मन के वरिष्ठ अधिकारी अऊ विश्व बैंक के प्रतिनिधि उपस्थित रहिन।
