छत्तीसगढ़ किसान, आदिवासी, मजदूर अउ मेहनतकश मन के प्रदेश: मुख्यमंत्री श्री बघेल

प्रदेशवासी मन ह छत्तीसगढ़िया संस्कृति ल सहेजिस
मुख्यमंत्री श्री बघेल ‘प्रगति पथ पर छत्तीसगढ़’ कार्यक्रम म संघरिस
रायपुर, 27 जून 2023
मुख्यमंत्री श्री भूपेश बघेल ह कहिस कि छत्तीसगढ़ किसान, आदिवासी, मजदूर अउ मेहनतकस के प्रदेश ए अउ सबके अपन बिसेसता हे। सब झन ह अपन संस्कृति ल बढ़ाइस अउ ओला सहेज के राखे ब बड़ मेहनत करिस एकरे ब छत्तीसगढ़िया संस्कृति के पहिचान बने हे। हमार सरकार ह ऐला आघू बढ़ाए के काम करिस हे। मुख्यमंत्री श्री भूपेश बघेल आज निजी न्यूज़ चैनल कती ले आयोजित प्रगति पथ म छत्तीसगढ़ कार्यक्रम ल संबोधित करत हे।
मुख्यमंत्री श्री बघेल ह कहिस कि छत्तीसगढ़ी अहार म प्रमुख स्थान राखे वाले बोरे-बासी ल हमन सम्मान देवाए के काम करिस हे। अब ए ह छत्तीसगढ़िया सम्मान ले जुड़ गय हे। ओ ह कहिस कि छत्तीसगढ़ के पारंपरिक खेल ल छत्तीसगढ़िया ओलंपिक के माध्यम ले हमन बडे़ मंच देवाएन। पिठ्ठूल, गिल्ली डंडा, भौंरा, फुगड़ी, खो-खो जईसे परंपरागत खेल ह अपन गंवाए पहिचान ल फेर से पाइस हे अउ लोगन म उत्साह के संग ओलंपिक खेल ले जुड़िस। ओ ह कहिस कि अइरसा, ठेठरी, खुरमी, फरा, चीला जइसे छत्तीसगढ़िया पकवान अब गढ़ कलेवा के माध्यम ले जम्मो जघा मिलत हे अउ सामाजिक आयोजन म एला बड़ सम्मान के संग परोसे जाथ हे। मुख्यमंत्री श्री बघेल ह कहिस कि कोरोना के विकट परिस्थिति म घलो हमन प्रदेश के किसान अउ मजदूर मन के संग खड़े रहेन। मनरेगा के माध्यम ले उमन ल रोजगार देवाए के काम करिस हे। ओ ह कहिस कि छत्तीसगढ़ भगवान राम के ननिहाल हे अउ वनवास काल म भगवान राम ह छत्तीसगढ़ म बड़ लंबा समय तक यात्रा करिस। इहां शिवरीनारायण म भगवान राम ह शबरी के झूठा बोईर खाइस। राम वन गमन पथ के माध्यम ले हमन भगवान राम के ए यात्रा ल चिरस्मरणीय बनाए के अवसर मिलिस हे। मुख्यमंत्री ह कहिस कि हमार राम कौशल्या के राम ए, शबरी के राम स, मेहनतकस मनखे के राम ए, वनवासी राम ए, राम सौम्य अउ कारुणिक ए अउ हमन सबके भांचा ए। राष्ट्रीय रामायण महोत्सव के आयोजन घलो हमन करे सकेन ए ह बडे़ बात ए।
नक्सली समस्या म अपन बात राखत हुए मुख्यमंत्री ह कहिस कि प्रदेश एकर से सरलग ग्रसित रहे हे। नक्सली उन्मूलन ल लेके हमार नजरिया अलग ए अउ ए ह एक राजनीतिक, आर्थिक अउ सामाजिक समस्या ए। विश्वास, विकास अउ सुरक्षा के संग हमन बस्तर के लोगन मन के विश्वास जीते के प्रयास करे हन। हमार सरकार ह न केवल आदिवासी मन के भुइयां वापिस देवाइस बल्कि लोगन मन ल रोजगार घलो दिस। ए विकास कार्य ले बस्तर के लोग मन ह हमन ल अपन माने लगे हे। हमन बंद परे स्कूल ल खोलेन। समाजिक अउ आर्थिक क्षेत्र म बस्तर म बड़े बदलाव आए हे जेकर से अब सकारात्मक परिणाम देखे ब मिलत हे।
संबोधन के अंत म मुख्यमंत्री श्री बघेल ह कहिस कि बस्तर के मनखे मन प्रकृति के गोद म रहोइया ए। हमार प्रयास ले अब बस्तर ह उन्नति के डहर म आघू बाढ़त हे।
Neha Rathore