छत्तीसगढ़ के युवा तैराक अल्योशा ह राष्ट्रीय जनजातीय खेल महोत्सव म जीतिस दू ठ पदक

मुख्यमंत्री श्री भूपेश बघेल ह दिस बधई अउ सुभकामना
रायपुर, 30 जून 2023
मुख्यमंत्री श्री भूपेश बघेल ह आज इहां अपन निवास कार्यालय म छत्तीसगढ़ ले उभरत युवा तैराक अल्योशा कुंजाम करा सौजन्य मुलाकात करिस। अल्योशा ह ओडिशा के राजधानी भुवनेश्वर म पहिली बार आयोजित राष्ट्रीय जनजातीय खेल महोत्सव म तैराकी के दू ठ स्पर्धा म दू ठ पदक जीते हे। मुख्यमंत्री करा भेंट के बेटा अल्योशा ह ओला अपन ए उपलब्धि के जानकारी देत हुए बताइस कि ओ ह जनजातीय खेल महोत्सव म 50 मीटर फ्री स्टाईल म सिल्वर मेडल अउ 100 मीटर फ्री स्टाईल म ब्रान्ज मेडल जीते हे। मुख्यमंत्री ह अल्योशा ल ओकर उपलब्धि ब बधई अउ शुभकामना देत हुए उज्जवल भविष्य ब आशीर्वाद दिए। मुख्यमंत्री ह कहिस कि अल्योशा ह अपन उपलब्धि ले छत्तीसगढ़ ल गौरवान्वित करिस हे। अल्योशा कुंजाम राजधानी रायपुर के राजकुमार कॉलेज म कक्षा 12वीं के छात्रा हे। राष्ट्रीय जनजातीय खेल महोत्सव के आयोजन भुवनेश्वर म 9 ले 12 जून 2023 तक होवत रहिस हे।
Neha Rathore