छत्तीसगढ़ मदरसा बोर्ड स्थापना दिवस समारोह 11 मई के

मेधावी छात्र-छात्रा, उत्कृष्ट मदरसा शिक्षक, संचालकगण अउ
समाज के प्रतिष्ठितजन के होही सम्मान
रायपुर, छत्तीसगढ़ मदरसा बोर्ड के 21वा स्थापना दिवस के उपलक्ष्य म 11 मई के स्थापना दिवस समारोह के आयोजन मझनिया 3.30 बजे न्यू सर्किट हाउस रायपुर के कन्वेंशन हॉल म करे जाही।  स्थापना दिवस समारोह म छत्तीसगढ़ मदरसा बोर्ड के परीक्षा म प्रावीण्य सूची म शामिल होए वाले छात्र-छात्रा, उत्कृष्ट मदरसा शिक्षक, संचालकगण अउ समाज के प्रतिष्ठितजन ल सम्मानित करे जाही।
छत्तीसगढ़ मदरसा बोर्ड के अध्यक्ष श्री अलताफ अहमद ह ए जानकारी देत हुए बतइस कि छत्तीसगढ़ मदरसा बोर्ड के स्थापना दिवस समारोह म आदिम जाति अउ अनुसूचित जाति विकास, पिछड़ा वर्ग एवं अल्पसंख्यक विकास मंत्री डॉ. प्रेमसाय सिंह टेकाम मुख्य अतिथि के रूप म सम्मिलित होही। कार्यक्रम के अध्यक्षता वन एवं परिवहन मंत्री श्री मोहम्मद अकबर करही। कृषि मंत्री श्री रविन्द्र चौबे, खाद्य एवं नागरिक आपूर्ति मंत्री श्री अमरजीत भगत, नगरीय प्रशासन मंत्री डॉ. शिव कुमार डहरिया विशिष्ट अतिथि के रूप म शामिल होही।
समारोह म संसदीय सचिव श्री विकास उपाध्याय, विधायक एवं अध्यक्ष छत्तीसगढ़ राज्य भंडार गृह निगम श्री अरूण वोरा, विधायक श्री सत्यनारायण शर्मा, विधायक एवं अध्यक्ष छत्तीसगढ़ गृह निर्माण मंडल श्री कुलदीप जुनेजा, विधायक श्री देवेन्द्र यादव, महापौर नगर निगम रायपुर श्री एजाज ढेबर, अध्यक्ष छत्तीसगढ़ खनिज विकास निगम श्री गिरीश देवांगन, अध्यक्ष छत्तीसगढ़ अल्पसंख्यक आयोग श्री महेन्द्र सिंह छाबड़ा, अध्यक्ष छत्तीसगढ़ राज्य हज कमेटी श्री मोहम्मद असलम खान, अध्यक्ष छत्तीसगढ़ राज्य उर्दू अकादमी श्री इदरीस गांधी, अध्यक्ष छत्तीसगढ़ संस्कृत विद्या मंडलम् डॉ. सुरेश शर्मा, अध्यक्ष केशकला बोर्ड श्री नंदकुमार सेन, उपाध्यक्ष छत्तीसगढ़ पिछड़ा वर्ग आयोग श्री आर.एन. वर्मा, उपाध्यक्ष छत्तीसगढ़ अल्पसंख्यक आयोग श्री हफीज खान, महापौर नगर निगम दुर्ग श्री धीरज बाकलीवाल, महापौर नगर निगम भिलाई-चरोदा श्री निर्मल कोसरे, उपाध्यक्ष रायपुर विकास प्राधिकरण श्री शिव सिंह ठाकुर, उपाध्यक्ष छत्तीसगढ़ राज्य उर्दू अकादमी डॉ. नजीर अहमद कुरैशी अउ अध्यक्ष जिला केन्द्रीय सहकारी बैंक दुर्ग श्री राजेन्द्र साहू ल विशिष्ट अतिथि के रूप म आमंत्रित करे गए हे।